Amerikalyq The Wall Street Journal basylymy Kremldiń aýqymdy ǵylymi-tehnologiialyq jobalarynyń biri – adam ómirin uzartýǵa baǵyttalǵan ulttyq baǵdarlama týraly zertteý jariialady. Jobanyń jalpy quny shamamen 26 milliard dollar dep baǵalanǵan, dep habarlaidy ult.kz.
Basylym dereginshe, bul bastama Resei prezidenti Vladimir Pýtinniń jeke basym baǵyttarynyń biri retinde qarastyrylyp otyr. Ol adamnyń qartaiý protsesin baiaýlatý jáne bolashaqta ómir súrý uzaqtyǵyn arttyrý ideiasyna erekshe qyzyǵýshylyq tanytady.
WSJ materialynda Pýtin Qytai tóraǵasy Si Tszinpinmen áńgime barysynda bolashaqta aǵzalardy qaita-qaita almastyrý arqyly ómirdi uzartýǵa bolatynyn aitqan.
Zertteýde kórsetilgen negizgi baǵyttar:
3D-bioprinting arqyly jasandy adam tinderi men aǵzalaryn jasaý;
Genetikalyq turǵydan beiimdelgen janýarlarda (mini-shoshqalarda) adamǵa transplantatsiialaýǵa bolatyn aǵzalardy ósirý;
Qartaiý úderisin baiaýlatýǵa arnalǵan gendik terapiia ázirleý.
WSJ málimetinshe, jobany prezidentke jaqyn tulǵalar, onyń ishinde qyzy Mariia Vorontsova jáne Kýrchatov institýtynyń basshysy Mihail Kovalchýk úilestirip otyr.
