Resei basshysy Vladimir Pýtin QR Prezidenti Teleradiokesheniniń bas direktory Erlan Bekhojinge bergen suhbatynda Elbasy Nursultan Nazarbaevtyń kóshbasshy retindegi erekshe qasietterin atap ótti, dep habarlaidy "Ult aqparat".
«Shynymdy aitsam, meni bir qýantatyny jáne tańǵaldyratyny, Nursultan Ábishuly Keńes odaǵy kezinde-aq ózine keremet mansap jasap aldy. Bul meni áli kúnge deiin tańǵaldyrady. Keńestik dáýirge qaramastan, ol - árdaiym bolashaqqa umtylǵan adam. Bul - onyń erekshe qasieti», - dep atap ótti Vladimir Pýtin.
Resei prezidenti Nursultan Nazarbaevtyń myqty komanda jinai alatyndyǵyn jáne jumysyn tiimdi uiymdastyra biletindigin atap ótti.
«Birinshiden, ol ainalasyna óte isker jáne qabiletti adamdardy, jastardy jinai biledi jáne óz janyna myqty adamdardy toptastyrýdan qoryqpaidy. Bul - kez kelgen myqty basshynyń erekshe qasieti. Mine, Nursultan Ábishuly Nazarbaev osyndai parasatty, jigerli, belsendi jáne daryndy basshy, kóshbasshy», - dep atap ótti Vladimir Pýtin.
Budan buryn habarlanǵandai, Memleket basshysy Nursultan Nazarbaevtyń Reseige sapary qarsańynda QR Prezidentiniń Teleradiokesheniniń shyǵarmashylyq toby Sochige baryp, aldaǵy ýaqytta jaryq kóretin derekti filmniń túsirilim jumystaryn júrgizdi. Erlan Bekhojin atalǵan filmge orai Resei Prezidenti Vladimir Pýtinnen suhbat aldy jáne óziniń «Úlken saiasat syrtyndaǵy áńgimeler» («Za kýlisami bolshoi politiki») atty kitabyn syiǵa tartty.
