23 jeltoqsanda Resei Prezidenti Vladimir Pýtin Resei men anneksiialanǵan Qyrym túbegin jalǵaityn temirjoldy ashty. Pýtin poiyzben Kerch buǵazyn kesip ótetin kópir arqyly júrip kórdi.
Sankt-Peterbýrgten Sevastopolge poiyz 43 jarym saǵat júrip barady. Máskeýden alǵashqy poiyz 24 jeltoqsanda shyǵady. Bul poiyz Qyrymǵa 33 saǵat júrip keledi.
Al júk poiyzy jazda júre bastaidy dep josparlanǵan.
2015 jyly Resei Qyrym men Krasnodar aimaǵyn jalǵaityn kópir qurylysyn bastaǵan. Kópirdi Pýtinniń dosy, reseilik milliarder Arkadii Rotenbergtiń kompaniiasy salyp jatyr. Kópir qurylysynyń biýdjeti – 230 mlrd rýbl. 2018 jyly mamyrda Pýtin kópirge baratyn avtokólik jolyn ashyp, bul oqiǵany «tarihi sát» dep ataǵan.
Ýkraina biligi kópir qurylysyna qarsy shyǵyp, muny halyqaralyq quqyqty buzý dep málimdegen. Kievte ornalasqan Qyrym avtonomiialyq respýblikasynyń prokýratýrasy 2018 jyly kópir qurylysyna bailanysty qylmystyq is qozǵaǵan.
Halyqaralyq qaýymdastyq Qyrymdy Ýkraina aýmaǵy dep sanaidy.
