23 جەلتوقساندا رەسەي پرەزيدەنتٸ ۆلاديمير پۋتين رەسەي مەن اننەكسييالانعان قىرىم تٷبەگٸن جالعايتىن تەمٸرجولدى اشتى. پۋتين پويىزبەن كەرچ بۇعازىن كەسٸپ ٶتەتٸن كٶپٸر ارقىلى جٷرٸپ كٶردٸ.
سانكت-پەتەربۋرگتەن سەۆاستوپولگە پويىز 43 جارىم ساعات جٷرٸپ بارادى. مەسكەۋدەن العاشقى پويىز 24 جەلتوقساندا شىعادى. بۇل پويىز قىرىمعا 33 ساعات جٷرٸپ كەلەدٸ.
ال جٷك پويىزى جازدا جٷرە باستايدى دەپ جوسپارلانعان.
2015 جىلى رەسەي قىرىم مەن كراسنودار ايماعىن جالعايتىن كٶپٸر قۇرىلىسىن باستاعان. كٶپٸردٸ پۋتيننٸڭ دوسى, رەسەيلٸك ميللياردەر اركاديي روتەنبەرگتٸڭ كومپانيياسى سالىپ جاتىر. كٶپٸر قۇرىلىسىنىڭ بيۋدجەتٸ – 230 ملرد رۋبل. 2018 جىلى مامىردا پۋتين كٶپٸرگە باراتىن اۆتوكٶلٸك جولىن اشىپ, بۇل وقيعانى «تاريحي سەت» دەپ اتاعان.
ۋكراينا بيلٸگٸ كٶپٸر قۇرىلىسىنا قارسى شىعىپ, مۇنى حالىقارالىق قۇقىقتى بۇزۋ دەپ مەلٸمدەگەن. كيەۆتە ورنالاسقان قىرىم اۆتونومييالىق رەسپۋبليكاسىنىڭ پروكۋراتۋراسى 2018 جىلى كٶپٸر قۇرىلىسىنا بايلانىستى قىلمىستىق ٸس قوزعاعان.
حالىقارالىق قاۋىمداستىق قىرىمدى ۋكراينا اۋماعى دەپ سانايدى.
