Resei prezidenti Vladimir Pýtin Qyrǵyzstannyń 240 million dollar kólemindegi qaryzyn keshiretin qujatqa qol qoidy. Qujattyń kóshirmesi quqyqtyq aqparattyń internet-portalynda jariialandy, - dep habarlaidy "Vedomosti".
Reseidiń Qyrǵyzstannyń qaryzyn keshiretini jaily Úkimetaralyq kelisimniń hattamasy 2017 jyldyń maýsymynda Almazbek Atambaevtyń Máskeýge sapary barysynda qoiylǵan bolatyn.
Qyrǵyzstan 2009 jyldyń 3 aqpanynda alǵan nesieniń saldarynan Resei aldynda qaryz bolyp qalǵan. Qaryzdyń qalai jáne qandai talaptar boiynsha óteletine 2012 jyldyń 20 qyrkúieginde qujatqa sáikes rettelgen bolatyn. Sol kezde qaryzdyń kólemi 488,9 million dollar boldy.
Al 2013 jyldyń mamyrynda Máskeý Bishkektiń 188,9 million dollar qaryzyn keshirdi.
2018 jyldyń qańtar aiynyń ortasynda Memlekettik dýma Qyrǵyzstanynń 240 million dollar qaryzyn keshirý týraly eki jaqty kelisimniń hattamasyn ratifikatsiialady.
