Resei prezidenti Vladimir Pýtin Qazandaǵy qaiǵyly jaǵdaiǵa qatysty málimdeme jasady. Ol densaýlyq saqtaý ministri Mihail Mýrashko men bilim ministri Sergei Kravtsovqa atys bolǵan mektepke barýdy tapsyrdy, - dep habarlaidy RIA Novosti.
Vladimir Pýtin Qazandaǵy jaǵdaiǵa qatysty tiisti ministrlikter jáne arnaiy qyzmetpen bailanysta bolady, dedi Kreml baspasóz hatshysy Dmitrii Peskov.
"Búgin prezident Máskeýdegi Kremlde jumys isteidi. Árine, ol kúni boiy Qazandaǵy jaǵdaiǵa qatysty habardar bolady. Qazir eń bastysy - zardap shekkenderge kómek kórsetý. Prezident Densaýlyq saqtaý, Bilim ministrligi jáne Úkimetpen, sondai-aq arnaiy qyzmet basshylarymen bailanysyn jalǵastyrady", - dedi Peskov.
Onyń aitýynsha, ministr Kravtsov pen Mýrashko qazirgi ýaqytta Qazanǵa ushýǵa daiyndalyp jaty
"Oqiǵanyń egjei-tegjeii baiandaldy. Sonymen qatar, Pýtin Úkimet tóraǵasy Mihail Mishýstinmen, Resei vitse-premeri Tatiana Golikovamen jáne TJM basshysy Evgenii Zinichevpen telefon arqyly sóilesti. Olar Qazandaǵy jaǵdaidy talqylady", - dedi Peskov.
Sońǵy derekter boiynsha, atys saldarynan 9 adam qaza tapqan. Qazirgi ýaqytta aqparat tolyq rastalmaǵan.
Seisenbi, 11 mamyrda Qazan qalasyndaǵy Djaýdat Faizi atyndaǵy №175 mektepte atys boldy. Áleýmettik jelide bastapqyda eki adamnyń shabýyldaǵany týraly habarlama tarady. Olardyń biri qarýly kúshterge qarsy oq atyp, tutqyndardy qamaýda ustaǵan.
Tatarstan prezidentiniń baspasóz qyzmeti usynǵan málimetke sáikes, barlyq bilim berý mekemesinde qaýipsizdik sharalary kúsheitilip, kontrterroristik operatsiia rejimi engizildi. Qaitys bolǵan oqýshylardyń otbasylaryna kómek kórsetiledi. Tatarstanda 12 mamyr aza tutý kúni dep jariialandy.
