24 aqpanda Resei prezidenti Vladimir Pýtin memlekettik telearnalardan úndeý joldap, Donbassta arnaiy áskeri operatsiia bastalatynyn málimdedi, dep habarlaidy "Ult aqparat".
"Jaǵdai qandai da bir sheshim qabyldaýdy jáne jedel áreket etýdi talap etedi. Donbass Halyq respýblikalary Reseige kómek surap júgindi. Osyǵan bailanysty, BUU Jarǵysynyń 51-babyna sáikes, Federatsiia Keńesiniń sanktsiiasymen jáne Federaldy jinalys bekitken DHR men LHR-men dostyq jáne ózara kómek týraly kelisimderdi oryndaý úshin men arnaiy áskeri operatsiia bastaý týraly sheshim qabyldadym.
Onyń maqsaty – segiz jyl boiy Kiev qorlyq kórsetip, genotsid jasap kelgen adamdardy qorǵaý. Bul úshin biz Ýkrainada demilitarizatsiia men denatsifikatsiia jasaýǵa, oǵan qosa beibit turǵyndarǵa, sonyń ishinde Resei federatsiiasy azamattaryna da qarsy kóptegen qandy qylmys jasaǵandardy sotqa tartýǵa tyrysamyz.
Ýkraina territoriialaryn okkýpatsiialaý bizdiń josparǵa kirmeidi. Biz eshkimge kúsh kórseteiin dep jatqan joqpyz" dedi Pýtin.
Sonymen qatar RF basshysy Reseige qaýip tóndirýi múmkin ishki kúshterge ún qatty. Onyń sózinshe, Reseidiń jaýaby kóp kúttirmeidi.
"Biz kez kelgen jaǵdaiǵa daiynbyz. Barlyq qajet sheshim qabyldandy", - dedi ol.
Aqparat quraldary Ýkrainanyń keibir qalalarynda jarylys bolǵanyn habarlap jatyr.
Resmi málimet boiynsha, Qazaqstannyń konsýldyǵynda ýaqytsha tirkeýde 517 adam, turaqty tirkeýde 1113 adam tur. Olar negizinen Kiev qalasy, Kiev, Odessa, Harkov, Lvov oblystarynda turady.
