Resei prezidenti Vladimir Pýtin burynǵy memleket basshylaryna ómir boiy senator bolýǵa ruqsat beretin zańǵa qol qoidy. Qujat mátini quqyqtyq aqparat portalynda jariialandy.
Qazir Reseide eki burynǵy memleket basshysy bar. Biri - 2008-2012 jyldar aralyǵynda memleket basqarǵan Dmitrii Medvedev pen SSSR-dyń burynǵy basshysy Mihail Gorbachev. Biraq qujattaǵy artyqshylyqtardy olar paidalana almaidy.
Zań jobasy Pýtin bastamasymen parlament qaraýyna jiberilgen. Qujattyń alǵashqy nusqasynda memleket basshysy otstavkaǵa ketkennen keiin úsh aidan soń senat músheligine ótinish tapsyra alady dep jazylǵan edi. Al sońǵy nusqada merzimdik shekteý joq.
Zań jobasy parlamenttiń joǵarǵy palatasyna 30 senator taǵaiyndaýǵa múmkindik beredi: jeteýi - senatta ómir boiy qala alady, qalǵany 6 jylǵa sailanady. Senator mártebesine ie bolǵan Resei azamaty memlekettik dýmaǵa zańdar shyǵaryp, joǵarǵy palatadaǵy daýys berýge qatysady. Bul qyzmetke kelgen adam qylmystyq qýdalaýdan qutqaratyn immýnitetke de ie bolady.
