رەسەي پرەزيدەنتٸ ۆلاديمير پۋتين بۇرىنعى مەملەكەت باسشىلارىنا ٶمٸر بويى سەناتور بولۋعا رۇقسات بەرەتٸن زاڭعا قول قويدى. قۇجات مەتٸنٸ قۇقىقتىق اقپارات پورتالىندا جارييالاندى.
قازٸر رەسەيدە ەكٸ بۇرىنعى مەملەكەت باسشىسى بار. بٸرٸ - 2008-2012 جىلدار ارالىعىندا مەملەكەت باسقارعان دميتريي مەدۆەدەۆ پەن سسسر-دىڭ بۇرىنعى باسشىسى ميحايل گورباچەۆ. بٸراق قۇجاتتاعى ارتىقشىلىقتاردى ولار پايدالانا المايدى.
زاڭ جوباسى پۋتين باستاماسىمەن پارلامەنت قاراۋىنا جٸبەرٸلگەن. قۇجاتتىڭ العاشقى نۇسقاسىندا مەملەكەت باسشىسى وتستاۆكاعا كەتكەننەن كەيٸن ٷش ايدان سوڭ سەنات مٷشەلٸگٸنە ٶتٸنٸش تاپسىرا الادى دەپ جازىلعان ەدٸ. ال سوڭعى نۇسقادا مەرزٸمدٸك شەكتەۋ جوق.
زاڭ جوباسى پارلامەنتتٸڭ جوعارعى پالاتاسىنا 30 سەناتور تاعايىنداۋعا مٷمكٸندٸك بەرەدٸ: جەتەۋٸ - سەناتتا ٶمٸر بويى قالا الادى, قالعانى 6 جىلعا سايلانادى. سەناتور مەرتەبەسٸنە يە بولعان رەسەي ازاماتى مەملەكەتتٸك دۋماعا زاڭدار شىعارىپ, جوعارعى پالاتاداعى داۋىس بەرۋگە قاتىسادى. بۇل قىزمەتكە كەلگەن ادام قىلمىستىق قۋدالاۋدان قۇتقاراتىن يممۋنيتەتكە دە يە بولادى.
