Resei prezidenti Vladimir Pýtin Aziiadaǵy ózara is-qimyl jáne senim sharalary keńesiniń altynshy sammiti barysynda Aýǵanstannyń Aziia óńirine tóndiretin qaýip-qateri týraly aitty, dep habarlaidy Sputnik Qazaqstan.
Resei basshysy AQSh áskeri shyqqannan keiin Aýǵanstanda terrorizm problemasy órship ketkenin, búginde aýǵan eli basty qaýip-qaterdiń biri ekenin atap ótti.
"Ókinishke qarai, Aýǵanstan bizdiń óńir úshin qaýipsizdiktiń ótkir syn-qaterleriniń biri bolyp otyr. Búgin muny áriptesterim de aitty. Jiyrma jyldan astam ýaqyt bolǵan NATO men AQSh áskeri shyǵyp, olardyń saiasaty sátsizdikke ushyraǵannan keiin, bul el terroristik qaýip-qaterlermen bailanysty problemalaryn ózdiginen sheshýge qaýqarsyz bolyp shyqty", - dedi Pýtin.
Resei lideri Aýǵanstannyń zańsyz buǵattalǵan qarajatyn qaitarýdy jáne basqynshylyq jyldary elge keltirilgen shyǵyndy óteýge shaqyrdy.
"Biz tabandy túrde aýǵandarǵa basqynshylyq jyldary keltirilgen shyǵyndy óteýge jáne zańsyz buǵattalǵan aýǵan qarjysyn buǵattan shyǵarýǵa shaqyramyz", - dedi ol.
