Aqtaý qalasyna koronavirýsqa PTR-anyqtamasyz ushyp kelgen Ulybritaniia azamaty eline qaitaryldy, dep habarlaidy "Ult aqparat".
«24 qazan kúni Aqtaý qalasynyń áýejaiynan PTR-anyqtamasy bolmaǵan Ulybritaniia azamaty deportatsiialandy.
Sondai-aq, 24 qazan túninde 9 reispen 1158 adam ushyp kelgen. Sonyń ishinde 951 jolaýshynyń PTR-anyqtamasy bolǵan, Qazaqstannyń 207 azamatynda anyqtama bolǵan joq.
Reisterdiń:
- 4-eýi Nur-Sultan qalasyna (471 jolaýshy, onyń 385-inde anyqtama boldy, 86 adam anyqtamasyz);
- 4-eýi Almaty qalasyna (588 jolaýshy, onyń 472-sinde anyqtama boldy, 116 adam anyqtamasyz);
- 1-eýi Aqtaý qalasyna (99 jolaýshy, onyń 94-inde anyqtama boldy, 5 adam anyqtamasyz) jasaldy», - dep habarlandy vedomstvoaralyq komissiianyń Telegram-kanalynda.
Anyqtamasyz ushyp kelgen Qazaqstan azamattary PTR-taldaý tapsyrý úshin Nur-Sultan, Almaty jáne Aqtaý qalalaryndaǵy karantin statsionarlaryna ornalastyryldy.
Jolaýshylar Túrkiia, BAÁ, Belarýs, Mysyrdan halyqaralyq áýe reisterimen ushyp kelgen.
