QR Kóliktegi bas memlekettik sanitar dáriger Sadýaqas Baiǵabylov Qazaqstanǵa ushyp kelgen jolaýshylarǵa qatysty málimetti bólisti, dep habarlaidy "Ult aqparat".
«Osy jyldyń 30 qazanynda tún ortasyna aýǵanda 9 halyqaralyq áýe reisimen 1 167 jolaýshy, onyń ishinde 1 110 jolaýshy anyqtamamen jáne Qazaqstannyń 57 azamaty anyqtamasyz ushyp keldi. Nur-Sultanǵa 2 reispen ushyp kelgen 212 jolaýshynyń 189-y anyqtamamen, 23-i anyqtamasyz, Almatyǵa 6 reispen kelgen 921 jolaýshynyń 887-si anyqtamamen, 34-i anyqtamasyz jetti», - dedi Sadýaqas Baiǵabylov.
Onyń atap ótýinshe, Grýziiadan Aqtaýǵa 1 reispen ushyp kelgen 34 jolaýshynyń barlyǵynda da anyqtama bolǵan.
Al Nur-Sultan men Almaty qalalaryna PTR anyqtamasyz ushyp kelgen Qazaqstan azamattarynyń barlyǵy 7 kúnge karantindik statsonarǵa ornalastyryldy.
Jolaýshylar Túrkiia, BAÁ, Mysyr, Belarýs jáne Grýziiadan halyqaralyq áýe reisterimen ushyp kelgen.
Aita keteiik, QR Bas memlekettik sanitar dárigeri Erlan Qiiasovtyń jańa qaýlysyna sáikes, Qazaqstanǵa kelgen azamattar, Qazaqstan Respýblikasynyń aýmaǵynda turýǵa yqtiiarhaty bar adamdar anyqtamasy bolmaǵan jaǵdaida PTR ádisimen COVID-19-ǵa zerthanalyq tekserý úshin 7 táýlikke deiin karantindik statsionarǵa oqshaýlanady.
