Atyraý oblysynda qaiyn jurtynyń tórt adamyn óltirdi dep aiyptalyp jatqan Sultan Sársemálievtiń sotynda jańa beinematerialdar qaraldy. Kezekti sot otyrysynda Aqbaian Muqanǵalievanyń tergeý kezindegi jaýaby jariia etildi, dep habarlaidy ult.kz Turkystan.kz-ke silteme jasap.
Sot málimetinshe, ol psihonevrologiialyq dispanserdiń aqparattyq júiesinde esepte turǵan jáne qazir psihiatriialyq mekemede em qabyldap jatyr.
Jaýap alý kezinde áiel otbasy, densaýlyǵy týraly suraqtarǵa jaýap bergen.
«Men basymdy teksertip, em aldym. Túrkiiada kúieýim ýaqytsha jumys istedi. Biz qonaqúide turdyq. Men kóbine uiyqtap jattym. Telefonym bolǵan joq, ony Sultan alyp alǵan. Politsiia meni jáne kúieýimdi ne úshin ustaǵanyn bilmeimin. Meniń eshqandai psihikalyq aýrýym joq, meni psihikalyq ortalyqqa jatqyzbańyzdar», – dep jaýap bergen dedi sýdia.
Beinejazbaǵa sáikes, Muqanǵalieva kei suraqtarǵa naqty jaýap bere almaǵan jáne sharshaǵanyn aityp, jekelegen saýaldarǵa jaýap berýden bas tartqan. Keiin oǵan arnaiy em qabyldaý usynylǵany aityldy.
