Ońtústik Qazaqstan oblysynda prokýrorlar men jýrnalister erkin formattaǵy dóńgelek ústel basyna jinaldy, dep habarlaidy Ult.kz tilshisi QazAqparat agenttigine silteme jasap.
Sharaǵa oblystyq prokýratýranyń basqarma bastyǵy Erbol Eshtaev pen oblystyq Ishki saiasat basqarmasy basshysynyń orynbasary Madiiar Álipov qatysyp, BAQ ókilderi men blogerlerdiń saýaldaryna jaýap berdi.
Elbasy N.Nazarbaevtyń «Ult jospary - bes institýtsionaldyq reformany júzege asyrýǵa baǵyttalǵan 100 naqty qadam» baǵdarlamasy aiasynda uiymdastyrylǵan basqosýda Erbol Eshtaev prokýratýra organdarynyń ashyqtyǵy men qoljetimdigin arttyrý maqsatynda jasalyp jatqan reforma jaily baiandap ótti.
«BAQ qyzmetkerlerin eldiń kózi, qulaǵy, bet-beinesi deýge bolady. Óitkeni memlekette atqarylyp jatqan quqyqtyq reformalar, barlyq jumystar halyqqa jýrnalister arqyly jetedi. Elimizdegi prokýratýra salasynda da kóptegen ózgeris-jańalyqtar bolyp, tyń jobalar qolǵa alynyp jatyr. Sondyqtan oblys prokýratýrasy jýrnalistermen ashyq jáne jariia túrde jumys jasaýǵa árkez daiyn. Qazirgidei kezeńde ár aqparattyń qoljetimdi bolýy mańyzdy», - dedi oblystyq prokýratýranyń basqarma bastyǵy.
Jiyn barysynda Madiiar Baqtybaiuly da bul kezdesýdiń negizgi maqsaty saýatty, quqyqtyq qoǵam qurý ekenin málimdedi. Taraptar pikir almasý kezdesýlerdi aldaǵy ýaqytta da uiymdastyryp turýǵa ýaǵdalasty.
