Sanasyn ishkilikpen ýlap, mas bolǵanda jaryn aitpaǵanda, anasyna qol jumsap, balasyn shyrqyratqandarǵa jaza kórý de az sekildi. Olai deitinimiz, biyl 6 aidyń ishinde oryn alǵan qylmystyń 78 paiyzy ishimdiktiń kesirinen bolǵan eken. Qoǵamdy ýlap jatqan dertten aiyǵýǵa eń aldymen imandylyq pen saýattylyq negiz bola alady. Sony moiyndap, jaqsy ister jasaýǵa qulshynys bildire alsaq, arnaiy ortalyqtar ashyp, kópti kúizelisten qutqaramyz dep sabylmas edik. Astanadan arnaiy kelgen bas prokýrordyń kómekshisi keltirgen mysaldar kóptiń kókeiindegisin dóp basty.
Eki aiǵa jýyq ýaqyt buryn qolǵa alynǵan joba alǵashqy nátijesin berdi. Qazir óńirde otbasylyq basqarma qurylyp, Saryaǵash pen Shymkentte áleýmettik-psihologiialyq súiemeldeý ortalyqtary ashyldy. Osy qurylymdar barlyǵyn sheship beredi nemese, endi eshbir otbasynda problema týyndamaidy deý qate. Ortalyqtar qoǵam múshelerin durys oilap, saýatty qadam jasaýǵa ǵana baǵyttai alady. Tirliktiń basy-qasynda júrgen Saltanat Ahatqyzy oǵan senimdi.
Ońtústiktiń betke tutar ardaqtylary dep shaqyrylǵan kópshilik te oiyn búgip qalmady. Otannyń ózi otbasydan bastalatynyn tilge tiek etken azamattar qasieti de, kiesi de ózgelerden biik qazaqtyń óz tirligine ózi bekem bolýyn qalaidy.
Rýhani jańǵyrýdyń qajettiligi men ulttyq kodtyń mánin sóz etken azamattar salt pen dástúrdi, din men dildi ushtastyryp, birlik pen aýyzbirshilikke bekem bolýǵa shaqyrdy. Biraq bul – aitylǵan áńgime negizinde qalatyn dúnie emes. Ispen jańǵyrýy tiis tustar…
Záýre Oralbaeva, otyrar.kz
