Foto: AtyrauPress.kz
Prokýror Atyraý oblysy ákiminiń eks-orynbasary Baqytgúl Hamenovany jeti jylǵa bas bostandyǵynan aiyrýdy surady, - dep habarlaidy "Ult aqparat" AtyrauPress.kz saityna silteme jasap.
Búgin, 31 Qazanda Prokýror Laýra Asanova aiyptaý sózin oqydy.
Asanova oblys ákiminiń burynǵy orynbasary Baqytgúl Hamenovaǵa múlkin tárkilei otyryp, belgili bir memlekettik laýazymdardy atqarý quqyǵynan jáne 7 jylǵa bas bostandyǵynan aiyrýdy surady.
"Múlki tárkilenip, memlekettik laýazymdardy atqarý quqyǵynan ómir boiyna aiyra otyryp, 7 jylǵa bas bostandyǵynan aiyrý taǵaiyndalsyn. Merzimdi óteý ortasha qaýipsizdik mekemesinde anyqtalsyn. Sondai-aq, Hamenova "Qurmet" ordeninen aiyrylsyn. Hamenovany qamaýda ustaý ýaqytyna qarai jaza merzimi 1,5 kún úshin 1 kún esebinen qamaýda ustalsyn. Sottalýshyda kámeletke tolmaǵan balanyń bolýyna bailanysty jazany úsh jylǵa deiin keiinge qaldyrýdy suraimyn" - dedi prokýror.
Sondai-aq, prokýror oblystyq mádeniet basqarmasynyń burynǵy basshysy Aqylbek Rysqalievke ortasha qaýipsizdik mekemesinde jeti jylǵa bas bostandyǵynan aiyrý jazasyn taǵaiyndaýdy surady. Para berdi degen kúdikke ilingen Adamovty da tórt jylǵa bas bostandyǵynan aiyryp, jazasyn qaýipsizdigi ortasha mekemede óteýdi usynady.
