فوتو: AtyrauPress.kz
پروكۋرور اتىراۋ وبلىسى ەكٸمٸنٸڭ ەكس-ورىنباسارى باقىتگٷل حامەنوۆانى جەتٸ جىلعا باس بوستاندىعىنان ايىرۋدى سۇرادى, - دەپ حابارلايدى "ۇلت اقپارات" AtyrauPress.kz سايتىنا سٸلتەمە جاساپ.
بٷگٸن, 31 قازاندا پروكۋرور لاۋرا اسانوۆا ايىپتاۋ سٶزٸن وقىدى.
اسانوۆا وبلىس ەكٸمٸنٸڭ بۇرىنعى ورىنباسارى باقىتگٷل حامەنوۆاعا مٷلكٸن تەركٸلەي وتىرىپ, بەلگٸلٸ بٸر مەملەكەتتٸك لاۋازىمداردى اتقارۋ قۇقىعىنان جەنە 7 جىلعا باس بوستاندىعىنان ايىرۋدى سۇرادى.
"مٷلكٸ تەركٸلەنٸپ, مەملەكەتتٸك لاۋازىمداردى اتقارۋ قۇقىعىنان ٶمٸر بويىنا ايىرا وتىرىپ, 7 جىلعا باس بوستاندىعىنان ايىرۋ تاعايىندالسىن. مەرزٸمدٸ ٶتەۋ ورتاشا قاۋٸپسٸزدٸك مەكەمەسٸندە انىقتالسىن. سونداي-اق, حامەنوۆا "قۇرمەت" وردەنٸنەن ايىرىلسىن. حامەنوۆانى قاماۋدا ۇستاۋ ۋاقىتىنا قاراي جازا مەرزٸمٸ 1,5 كٷن ٷشٸن 1 كٷن ەسەبٸنەن قاماۋدا ۇستالسىن. سوتتالۋشىدا كەمەلەتكە تولماعان بالانىڭ بولۋىنا بايلانىستى جازانى ٷش جىلعا دەيٸن كەيٸنگە قالدىرۋدى سۇرايمىن" - دەدٸ پروكۋرور.
سونداي-اق, پروكۋرور وبلىستىق مەدەنيەت باسقارماسىنىڭ بۇرىنعى باسشىسى اقىلبەك رىسقاليەۆكە ورتاشا قاۋٸپسٸزدٸك مەكەمەسٸندە جەتٸ جىلعا باس بوستاندىعىنان ايىرۋ جازاسىن تاعايىنداۋدى سۇرادى. پارا بەردٸ دەگەن كٷدٸككە ٸلٸنگەن اداموۆتى دا تٶرت جىلعا باس بوستاندىعىنان ايىرىپ, جازاسىن قاۋٸپسٸزدٸگٸ ورتاشا مەكەمەدە ٶتەۋدٸ ۇسىنادى.
