Kollaj: Azattyq Ruhy
Elordada Gúlmira Satybaldynyń isi boiynsha kezekti sot otyrysy ótti. Isti qaraý barysynda prokýror aiyptalýshyny 8 jylǵa bas bostandyǵynan aiyrýdy surady, dep habarlaidy QazAqparat.
«Gúlmira Satybaldyny Qylmystyq kodekstiń 389-baby 4-bóligi, 28-baby 3-bóligi jáne 125-baby 2-bóligi 1,8-tarmaǵynda qaralǵan qylmystyq quqyq buzýshylyq jasaǵany úshin kináli dep tanýdy suraimyn. Qylmystyq kodekstiń 389-baby 4-bóligi boiynsha – 6 jylǵa bas bostandyǵynan aiyrý, 28-baptyń 3-bóligi jáne 125-baptyń 2-bóligi 1,8-tarmaǵy boiynsha – múlkinen aiyrýsyz 8 jylǵa bas bostandyǵynan aiyrý taǵaiyndalsyn. Qylmystyq kodekstiń 58-baby 3-bóliginiń negizinde neǵurlym qatań jaza, iaǵni Satybaldynyń múlkin tárkileýsiz 8 jylǵa bas bostandyǵynan aiyrý taǵaiyndalsyn», - dedi prokýror Azamat Sársembaev.
Sondai-aq, prokýror Gúlmira Satybaldy jazasyn qaýipsizdigi ortasha deńgeidegi abaqtyda óteýin surady.
Eske salaiyq, G. Satybaldy kásiporyndardyń qatysý úlesin zańsyz iemdený, sonyń ishinde adam urlaýmen ushtasqan eki fakti boiynsha tergeýge alynǵan edi. Jábirlenýshige kelgen zalal somasy – 6,6 mlrd teńgeden asady.
Sondai-aq, Gúlmira Satybaldynyń sotqa deiingi tergeý kezinde shekara asyp ketpek bolǵany belgili boldy.
