كوللاج: Azattyq Ruhy
ەلوردادا گٷلميرا ساتىبالدىنىڭ ٸسٸ بويىنشا كەزەكتٸ سوت وتىرىسى ٶتتٸ. ٸستٸ قاراۋ بارىسىندا پروكۋرور ايىپتالۋشىنى 8 جىلعا باس بوستاندىعىنان ايىرۋدى سۇرادى, دەپ حابارلايدى قازاقپارات.
«گٷلميرا ساتىبالدىنى قىلمىستىق كودەكستٸڭ 389-بابى 4-بٶلٸگٸ, 28-بابى 3-بٶلٸگٸ جەنە 125-بابى 2-بٶلٸگٸ 1,8-تارماعىندا قارالعان قىلمىستىق قۇقىق بۇزۋشىلىق جاساعانى ٷشٸن كٸنەلٸ دەپ تانۋدى سۇرايمىن. قىلمىستىق كودەكستٸڭ 389-بابى 4-بٶلٸگٸ بويىنشا – 6 جىلعا باس بوستاندىعىنان ايىرۋ, 28-باپتىڭ 3-بٶلٸگٸ جەنە 125-باپتىڭ 2-بٶلٸگٸ 1,8-تارماعى بويىنشا – مٷلكٸنەن ايىرۋسىز 8 جىلعا باس بوستاندىعىنان ايىرۋ تاعايىندالسىن. قىلمىستىق كودەكستٸڭ 58-بابى 3-بٶلٸگٸنٸڭ نەگٸزٸندە نەعۇرلىم قاتاڭ جازا, ياعني ساتىبالدىنىڭ مٷلكٸن تەركٸلەۋسٸز 8 جىلعا باس بوستاندىعىنان ايىرۋ تاعايىندالسىن», - دەدٸ پروكۋرور ازامات سەرسەمباەۆ.
سونداي-اق, پروكۋرور گٷلميرا ساتىبالدى جازاسىن قاۋٸپسٸزدٸگٸ ورتاشا دەڭگەيدەگٸ اباقتىدا ٶتەۋٸن سۇرادى.
ەسكە سالايىق, گ. ساتىبالدى كەسٸپورىنداردىڭ قاتىسۋ ٷلەسٸن زاڭسىز يەمدەنۋ, سونىڭ ٸشٸندە ادام ۇرلاۋمەن ۇشتاسقان ەكٸ فاكتٸ بويىنشا تەرگەۋگە الىنعان ەدٸ. جەبٸرلەنۋشٸگە كەلگەن زالال سوماسى – 6,6 ملرد تەڭگەدەن اسادى.
سونداي-اق, گٷلميرا ساتىبالدىنىڭ سوتقا دەيٸنگٸ تەرگەۋ كەزٸندە شەكارا اسىپ كەتپەك بولعانى بەلگٸلٸ بولدى.
