Prokýror «Ádil Qytai» qylmystyq tobynyń serkelerin 20 jylǵa bas bostandyǵynan aiyrýdy surady, dep habarlaidy QazAqparat tilshisi.
Almaty qylmystyq ister jónindegi mamandandyrylǵan aýdanaralyq sotynda «Ádil Qytai» uiymdasqan qylmystyq qaýymdastyq serkeleriniń isi qaraldy.
Otyrysta memlekettik aiyptaýshy basty sottalýshy Ádiljan Zainaýdinge jaza qoldanýdy surady.
«QR QK 58-babyna sáikes jazany ishinara qosý arqyly 20 jylǵa bas bostandyǵynan aiyrýdy suraimyn. Sonymen qatar, onyń qylmystyq jolmen jinaǵan múlkin tárkileýdi suraimyn», - dedi prokýror Ámir Álmuhanov.
Sottalýshynyń balalary Mehrishat Zainaýdin men Bahtishat Arýpovty 2,5 jáne 8 jylǵa bas bostandyǵynan aiyrýdy surady.
Barlyǵy sot aldynda 12 sottalýshy jaýap berip jatyr.
Ádiljan Zainaýdinov birqatar qylmys boiynsha: qylmystyq top qurý, adam densaýlyǵyna nuqsan keltirýge nemese óltirýge qorqytý, alaiaqtyq, adam óltirý, para berý siiaqty qylmystar boiynsha aiyptalyp otyr.
Aita ketý kerek, byltyr 30 mamyrda QR IIM men UQK qyzmetkerleri uiymdasqan qylmystyq qaýymdastyq múshelerin ustaǵan bolatyn.
Ustalǵandardyń arasynda Áýezov aýdandyq IIB basshysy Baqyt Qasabekov bolǵan. Politsiia qyzmetkeri uiymdasqan qylmystyq topty qorǵaǵany úshin 5 jylǵa sottalǵan edi.
