پروكۋرور «ەدٸل قىتاي» قىلمىستىق توبىنىڭ سەركەلەرٸن 20 جىلعا باس بوستاندىعىنان ايىرۋدى سۇرادى, دەپ حابارلايدى قازاقپارات تٸلشٸسٸ.
الماتى قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا «ەدٸل قىتاي» ۇيىمداسقان قىلمىستىق قاۋىمداستىق سەركەلەرٸنٸڭ ٸسٸ قارالدى.
وتىرىستا مەملەكەتتٸك ايىپتاۋشى باستى سوتتالۋشى ەدٸلجان زايناۋدينگە جازا قولدانۋدى سۇرادى.
«قر قك 58-بابىنا سەيكەس جازانى ٸشٸنارا قوسۋ ارقىلى 20 جىلعا باس بوستاندىعىنان ايىرۋدى سۇرايمىن. سونىمەن قاتار, ونىڭ قىلمىستىق جولمەن جيناعان مٷلكٸن تەركٸلەۋدٸ سۇرايمىن», - دەدٸ پروكۋرور ەمٸر ەلمۇحانوۆ.
سوتتالۋشىنىڭ بالالارى مەحريشات زايناۋدين مەن باحتيشات ارۋپوۆتى 2,5 جەنە 8 جىلعا باس بوستاندىعىنان ايىرۋدى سۇرادى.
بارلىعى سوت الدىندا 12 سوتتالۋشى جاۋاپ بەرٸپ جاتىر.
ەدٸلجان زايناۋدينوۆ بٸرقاتار قىلمىس بويىنشا: قىلمىستىق توپ قۇرۋ, ادام دەنساۋلىعىنا نۇقسان كەلتٸرۋگە نەمەسە ٶلتٸرۋگە قورقىتۋ, الاياقتىق, ادام ٶلتٸرۋ, پارا بەرۋ سيياقتى قىلمىستار بويىنشا ايىپتالىپ وتىر.
ايتا كەتۋ كەرەك, بىلتىر 30 مامىردا قر ٸٸم مەن ۇقك قىزمەتكەرلەرٸ ۇيىمداسقان قىلمىستىق قاۋىمداستىق مٷشەلەرٸن ۇستاعان بولاتىن.
ۇستالعانداردىڭ اراسىندا ەۋەزوۆ اۋداندىق ٸٸب باسشىسى باقىت قاسابەكوۆ بولعان. پوليتسييا قىزمەتكەرٸ ۇيىمداسقان قىلمىستىق توپتى قورعاعانى ٷشٸن 5 جىلعا سوتتالعان ەدٸ.
