Astana qalasynyń "Almaty" aýdanynyń prokýratýrasy GIMENEY neke agenttiginiń aldynda qazaqstandyq qyzdardyń qytailarǵa turmysqa shyǵýyna qarsy narazylyq aktsiiasy týraly pikir bildirdi, - dep habarlaidy "Ult aqparat" kaz.tengrinews.kz portalyna silteme jasap.
Prokýratýranyń málimeti boiynsha, 11 qańtarda saǵat 11:30 shamasynda Respýblika dańǵylyndaǵy "Indira i K" biznes ortalyǵynyń aýmaǵynda 20 adam jinalyp, GIMENEY agenttiginiń qyzmetine narazylyǵyn bildirgen. "Bul fakt boiynsha ishki ister organy men prokýratýra qyzmetkerleri atalǵan orynǵa bardy. Biznes ortalyq jetekshiligi tarapynan aryz túspegendikten, quqyq qorǵaý organdarynyń mindeti - bolýy múmkin delingen zańbuzýshylyqtyń aldyn alý edi", - delingen habarlamada.
Aýdan prokýratýrasynyń ókilderi túsindirý jumystaryn júrgizip, jinalǵandarǵa kompaniia keńsesine kirý usynyldy. Munda neke agenttiginiń jetekshiligi baspasóz máslihatyn ótkizdi. Máslihat aiaqtalysymen jinalǵandardyń barlyǵy tarady.
"Astana qalasynyń ákimdigine kórsetilgen mekenjai boiynsha narazylyq aktsiiasyn ótkizýge ruqsat berý týraly ótinish túspegenin qosymsha habarlaimyz", - dep jaýap berdi prokýratýra ókilderi.
Eske salaiyq, Beijińnen keletin bailarmen tanysý úshin qazaqstandyq áielder men qyzdardy shaqyrý halyq narazylyǵyn týǵyzǵan bolatyn. Mundai habarlama Facebook jelisindegi "Doska obiavlenii Almaty, Astana" paraqshasynda jariialandy. 11 qańtarda neke agenttiginiń aldynda narazylyq sharasy ótip, jinalǵandar qazaq qyzdarynyń qytailarǵa turmysqa shyǵýyna tyiym salýdy talap etken.
