«Prezidenttik Jastar kadr rezervine» irikteýdiń «Áleýetti baǵalaý» kezeńine 549 qatysýshy ótti, dep habarlaidy QazAqparat.
Bul týraly QR Memlekettik qyzmet isteri agenttiginiń tóraiymy Anar Jaiylǵanova aityp berdi.
«Ashyqtyq úshin irikteýge qatysýshylar týraly aqparat barshaǵa qoljetimdi. Irikteýdiń ár kezeńinen keiin kelesi kezeńge ótkenderdiń tizimin jariialaimyz. «Áleýetti baǵalaý» kezeńi 2019 jyldyń 22 qazany - 3 qarashasy aralyǵynda ótedi. Bul kezeń 3 bólikten turady: esse jazý, jobany tanystyrý jáne quzyretti baǵalaý. Esse jazý men jobalardy tanystyrý da pkrezerv.kz avtomattandyrylǵan júiesinde onlain júrgiziledi», - dedi agenttik basshysy Úkimet úiinde ótken baspasóz qyzmetinde.
«Áleýetti baǵalaý» kezeńinen keiin sarapshylarmen suhbat ótedi. Oǵan aldyńǵy kezeńderde úzdik nátije kórsetken qatysýshylar jiberiledi. Odan keiin Prezident Ákimshiligi quratyn komissiia irikteýdiń aldyńǵy kezeńderinen tabysty ótken ár úmitkermen jeke áńgimelesedi. Sonyń qorytyndysy boiynsha Ulttyq komissiia eń joǵary ball jinaǵan kandidattardy Prezidenttik jastar rezervine qabyldaý týraly sheshim qabyldaidy.
Atap ótken jón, irikteýdiń keiingi kezeńderine jiberiletin kandidattardyń shekti sany belgilengen. Atap aitqanda, testileý verifikatsiiasyna 1000 adam ǵana jiberiledi. Kelesi kezeń - áleýetti baǵalaýǵa - 600 adam, saraptamalyq komissiiada suhbattasýǵa - 400 adam, sońǵy Ulttyq komissiia otyrysynda - 330 adamnyń nátijesi qaralady.
.jpeg)