Memleket basshysy Qasym-Jomart Toqaevtyń «Abai jáne XXI ǵasyrdaǵy Qazaqstan» atty maqalasy orys tiline aýdaryldy, dep habarlaidy "Ult aqparat".
Maqala «QR Prezidenti janyndaǵy Qazaqstan strategiialyq zertteýler institýtynyń» resmi saitynda jariialandy.
«Prezidenttiń bul maqalasy qazaqtyń uly oishyly, aqyn Abai Qunanbaiulynyń 175 jyldyǵyna arnalyp, biylǵy 9 qańtar kúni «Egemen Qazaqstan» gazetinde jariialanǵany belgili. Memleket basshysy Abaidyń rýhani murasyn oi eleginen ótkizip, búgingi Qazaqstannyń damý jolyndaǵy maqsattar men mindetterdi aiqyndap beredi.
Atalǵan baǵdarlamalyq maqalanyń mazmunyn qalyń jurtshylyqqa tolyq jetkizý úshin ony orys tiline aýdarý qajet boldy. Buqaralyq aqparat quraldary tarapynan da osyndai usynystar tústi. Sondyqtan Qazaqstannyń strategiialyq zertteýler institýtynyń mamandary maqalany orys tiline aýdaryp, qalyń buqaraǵa usynyp otyr», - dep jazdy Prezidenttiń baspasóz hatshysy Berik Ýáli Facebook-te.
.jpeg)