22 qarashada kezekten tys Prezident sailaýy ótedi. Qoǵamdyq birlestikter atynan Prezident sailaýyna 5 úmitker usynyldy.
Kandidattardy usyný 23 qyrkúiekte bastalǵan bolatyn. Naýqan 19 kúnge sozylady. Atap aitqanda, 11 qazan 18:00-ge deiin.
Prezidenttikke kandidattardy respýblikalyq qoǵamdyq birlestikter usynady. Ortalyq sailaý komissiiasy 23 qyrkúiek pen 21 qazan aralyǵynda úmitkerlerdiń Konstitýtsiia men sailaý zańnamasynyń talaptaryna sáikestigin tekseredi.
Osy ýaqyt ishinde Prezident sailaýyna 5 kandidat usynyldy. Olar:
Jigýli Dairabaev – «Aýyl» partiiasy atynan;
Nurlan Áýesbaev – Jalpyulttyq sotsial-demokratiialyq partiia atynan;
Meiram Qajyken – «Amanat» Qazaqstan kásipodaqtar dostastyǵy» birlestigi atynan;
Qasym-Jomart Toqaev – Halyqtyq koalitsiia atynan;
Qaraqat Ábden – «Kásibi áleýmettik jumyskerler ulttyq aliansy» birlestigi atynan.
Aita keteiik, QR Prezidenttigine kandidattardyń árqaisysy 118 000 qol jinaýy kerek. Úmitkerler úshin sailaý jarnasynyń mólsheri – 3 mln teńge.
