Memleket basshysy Qasym-Jomart Toqaevtyń tapsyrmasymen júrgizilgen Prezidenttik jastar kadr rezervine engen 300 qazaqstandyq anyqtaldy, dep habarlaidy "Ult aqparat".
«Memleket Basshysy Qasym-Jomart Toqaevtyń mańyzdy bastamalarynyń biri - Prezidenttik kadr rezervin jasaqtaý. Alǵash ret sailaýaldy baǵdarlamasynda jariia etken bolatyn. Prezident tapsyrmasyna sáikes, birneshe ai boiy aýqymdy jumystar atqaryldy jáne búgin jastardy irikteý aiaqtaldy. Komissiia otyrysynda eksperttik komissiia usynǵan kandidattar qaraldy jáne 300 jas qazaqstandyq iriktelip alyndy», - dedi QR Prezidenti Ákimshiligi basshysynyń birinshi orynbasary Máýlen Áshimbaev Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, rezervke engen jastar memlekettik basqarý júiesinegi jaýapty qyzmetterge taǵaiyndalady. Mundaǵy basty maqsat - bilikti basshylardyń jańa býynyn qalyptastyrý jáne jastar úshin áleýmettik liftiniń utymdy júiesin qurý.
«Bul rezerv memlekettik qyzmet salasyn jańartýǵa, ozyq oily jas kóshbasshylardy jumyldyrýǵa jáne jastardy yntalandyrýǵa múmkindik beredi. Biraq, Prezident aitqandai, tek joǵary laýazymǵa usynylatyn top dep qaraýǵa bolmaidy. Bul joba jastardy halyqqa shyn nietimen qyzmet etýge yntalandyrýy tiis», - dedi M. Áshimbaev.
Joba jeńimpazdarynyń tolyq tizimin Prezidenttik jastar kadr rezerviniń resmi saitynan kórýge bolady.
