Prezidenttik jastar kadr rezervine úmitkerlerdiń qabiletin tekseretin «Testileýdi verifikatsiialaý» kezeńi aiaqtaldy, dep habarlaidy "Ult aqparat" Memlekettik qyzmet isteri agenttiginiń baspasóz qyzmetine silteme jasap.
Testileý verifikatsiiasyna qabiletti testileý qorytyndysy boiynsha eń joǵary ball jinaǵan 902 qatysýshy jiberildi.
Bul kezeńde verbaldy jáne sandyq testilerdiń árqaisysy 15 tapsyrmadan turdy. Úmitkerler testileýdi onlain-platformada ótti.
Irikteýge qatysýǵa el jastarymen qatar, shetelde júrgen Qazaqstan Respýblikasynyń azamattary jiberildi. Saǵattyq beldeýdegi aiyrmashylyqty eskere otyryp, sondai-aq barlyq irikteýge qatysýshylardyń qolailyǵy úshin testilerdi demalys kúnderi tapsyrý jáne ol úshin óz betinshe eń qolaily ýaqyt aralyǵyn belgilýge múmkindik berildi.
Testileýden ótý kezinde qatysýshylar belgili bir shekteýlerdi saqtaý boiynsha ózine mindetteme alady, olardyń ishinde:
- úmitkerdiń ózge adamdardy qatystyrmai, tapsyrmalardy óz betinshe oryndaýy;
- dybys jáne keskin sapaly bolýy, úmitkerdiń tike qarap otyrýyn qamtamasyz etýi;
- bógde adamdarmen qandai da bir sóilesýge tyiym salynýy;
- veb-kamerany jabýǵa nemese óshirýge jáne mikrofondy óshirýge tyiym salynýy;
- testileý kezinde ózge baǵdarlamalyq ónimderdi, sonyń ishinde messendjerlerdi (whatsapp, telegram jáne t. b.) paidalanýǵa tyiym salynýy;
- tek standartty kalkýliatordy paidalaný jáne basqa da birqatar sharttar bar.
Qatysýshylarǵa ornynan turýǵa, sonyń ishinde bógde adamdardan qandai da bir zattardy alýǵa nemese berýge tyiym salyndy.
Úmitkerlerdiń testileýden ótýiniń beine jáne aýdio fiksatsiiasy asa mańyzdy shart boldy, óitkeni kezeń aldyńǵy qashyqtyqtan qabilettilikti testileýden ótýdiń adaldyǵyn qaita tekserýdi kózdeidi. Ol úshin 50 bilikti maman qatysýshylardyń videolaryn birneshe ret tekserdi, qatysýshylar tarapynan buzýshylyqtar anyqtalǵan kezde akt toltyrý kózdelgen. Aktiler negizinde tártip buzýshylar shettetiledi.
Verifikatsiia nátijeleri boiynsha 22 qazan - 3 qarasha aralyǵynda ótetin kelesi «Áleýetti baǵalaý» kezeńine ótý múmkindigi shekteýli ýaqyt jaǵdaiynda sandyq jáne mátindik materialdardy taldaý qabiletin anyqtaýǵa arnalǵan testiler qorytyndysy boiynsha eń jaqsy ball jinaǵan qatysýshylarǵa usynylady.
«Áleýetti baǵalaý» kezeńi 3 quramdas bólikten turady: esse jazý, jobany usyný, quzyretterdi baǵalaý. Esse jazý jáne jobalardy tanystyrý video jáne aýdio tirkeýdiń kómegimen pkrezerv.kz avtomattandyrylǵan júiesinde onlain júzege asyrylady.
Esterińizge sala keteiik, irikteýge qatysý úshin tirkeý rásiminen 13212 adam ótti, onyń ishinde qyrkúiek aiynyń sońyna deiin 7312 úmitker tirkeý rásimin tolyq aiaqtady.
«Qabiletterdi testileýge» 5745 úmitker qatysty, testileýdi verifikatsiialaýǵa 902 úmitker jiberildi.
Qatysýshylardyń basym bóligi elordadan – 1379 adam, Almaty jáne Shymkent qalalarynan tiisinshe 493 jáne 380-den, Aqtóbe oblysynan - 289 adam. Basqa óńirlerden 100-200 qatysýshy. Shetelderden qatysýshylar arasynda Resei, AQSh, Ulybritaniia, Frantsiia, Singapýr, BAÁ jáne Túrkiiadan qazaqstandyqtar bar.
Prezidenttik jastar kadr rezervine ótkender saiasi jáne joǵary ákimshilik laýazymdarǵa, ulttyq holdingtar men kompaniialardyń joǵary basqarýshy laýazymdaryna taǵaiyndalýǵa múmkindik alady.
.jpeg)