Qarjy vitse-ministri Tatiana Saveleva Qazaqstandaǵy Prezident sailaýyna jumsalatyn shyǵyndar týraly suraqqa jaýap berdi, - dep habarlaidy Tengrinews.kz.
Onyń aitýynsha, Qazaqstanda Prezident sailaýy 2024 jylǵa josparlanǵandyqtan, bul qarjy sol jyldyń biýdjetine engizilgen.
"Biraq engizilgen ózgerister men jańa tapsyrmalardy eskere otyryp, biyl Úkimettiń rezervinen aqsha bólinedi. Qazir OSK eseptep jatyr. Bul shamamen 20 milliard teńge", - dedi Saveleva Májilis alańynda jýrnalister suraǵyna jaýap berip.
Onyń aitýynsha, eń tómengi jalaqynyń ósýine bailanysty sailaý shyǵyndarynyń artýy múmkin.
"Sailaýǵa bailanysty barlyq shyǵynnyń 90 paiyzǵa jýyǵy sailaý komissiialary músheleriniń jalaqysy. Ótken sailaýǵa 65 myń adam qatysty. Biyl 70 myńnan asa adam bolady. Olardyń jalaqysy eń tómengi jalaqyny eskere otyryp esepteledi. 2019 jyly sailaý ótkizgende 42 500 teńge bolatyn. Biyl – 60 myń", - dep qosty ol.
Sondai-aq, vitse-ministr parlamenttik sailaýda shamamen osyndai shyǵyndar kútiletinin aitty. Biraq kelesi jyly eń tómengi jalaqy 70 myń teńge bolatynyn eskersek, shyǵyn shamamen 25 milliard teńge bolýy múmkin.
