قارجى ۆيتسە-مينيسترٸ تاتيانا ساۆەلەۆا قازاقستانداعى پرەزيدەنت سايلاۋىنا جۇمسالاتىن شىعىندار تۋرالى سۇراققا جاۋاپ بەردٸ, - دەپ حابارلايدى Tengrinews.kz.
ونىڭ ايتۋىنشا, قازاقستاندا پرەزيدەنت سايلاۋى 2024 جىلعا جوسپارلانعاندىقتان, بۇل قارجى سول جىلدىڭ بيۋدجەتٸنە ەنگٸزٸلگەن.
"بٸراق ەنگٸزٸلگەن ٶزگەرٸستەر مەن جاڭا تاپسىرمالاردى ەسكەرە وتىرىپ, بيىل ٷكٸمەتتٸڭ رەزەرۆٸنەن اقشا بٶلٸنەدٸ. قازٸر وسك ەسەپتەپ جاتىر. بۇل شامامەن 20 ميلليارد تەڭگە", - دەدٸ ساۆەلەۆا مەجٸلٸس الاڭىندا جۋرناليستەر سۇراعىنا جاۋاپ بەرٸپ.
ونىڭ ايتۋىنشا, ەڭ تٶمەنگٸ جالاقىنىڭ ٶسۋٸنە بايلانىستى سايلاۋ شىعىندارىنىڭ ارتۋى مٷمكٸن.
"سايلاۋعا بايلانىستى بارلىق شىعىننىڭ 90 پايىزعا جۋىعى سايلاۋ كوميسسييالارى مٷشەلەرٸنٸڭ جالاقىسى. ٶتكەن سايلاۋعا 65 مىڭ ادام قاتىستى. بيىل 70 مىڭنان اسا ادام بولادى. ولاردىڭ جالاقىسى ەڭ تٶمەنگٸ جالاقىنى ەسكەرە وتىرىپ ەسەپتەلەدٸ. 2019 جىلى سايلاۋ ٶتكٸزگەندە 42 500 تەڭگە بولاتىن. بيىل – 60 مىڭ", - دەپ قوستى ول.
سونداي-اق, ۆيتسە-مينيستر پارلامەنتتٸك سايلاۋدا شامامەن وسىنداي شىعىندار كٷتٸلەتٸنٸن ايتتى. بٸراق كەلەسٸ جىلى ەڭ تٶمەنگٸ جالاقى 70 مىڭ تەڭگە بولاتىنىن ەسكەرسەك, شىعىن شامامەن 25 ميلليارد تەڭگە بولۋى مٷمكٸن.
