.jpeg)
Foto: Uiymdastyrýshylardan
QR PIB Prezidenttik ortalyǵynda Japoniia mádeniet kúnine arnalǵan merekelik is-sharalar ótti. Is-shara Japoniianyń bai dástúrleri men ónerin nasihattaýǵa, sondai-aq qonaqtardy japon mádenietiniń túrli qyrlarymen tanystyrýǵa baǵyttaldy.
Is-sharanyń uiymdastyrýshylary – Qazaqstan Respýblikasynyń Prezidenttik ortalyǵy, Japoniianyń Qazaqstandaǵy Elshiligi jáne Qazaqstan-japon adami resýrstaryn damytý ortalyǵy.
Is-sharanyń maqsaty – mádeni yntymaqtastyqty nyǵaitý, bailanystardy damytý jáne Qazaqstan men Japoniia arasyndaǵy ózara túsinistikti tereńdetý. Mereke keń aýditoriiaǵa arnaldy jáne japon mádenietiniń bai ári biregei murasymen tanysýǵa múmkindik berdi.
Foto: Uiymdastyrýshylardan
Is-sharanyń ashylýynda Qazaqstan Respýblikasynyń Prezidenttik ortalyǵy direktorynyń orynbasary Botagóz Qaiypova jáne Japoniianyń Qazaqstandaǵy Tótenshe jáne Ókiletti Elshisi, Japoniia Imperatorlyǵynyń ókili, mártebeli myrza Iasýmasa Iidzima quttyqtaý sóz sóilep, eki el arasyndaǵy mádeni bailanystardyń mańyzdylyǵyn atap ótti.
Baǵdarlama aiasynda qonaqtar origami, ikebana, kalligrafiia jáne fýrosiki óneri boiynsha sheberlik sabaqtaryna qatysyp, dástúrli iýkata kiimin kiip kórý múmkindigine ie boldy. Sonymen qatar japon tili sabaǵy, balalarǵa arnalǵan oiyn buryshy, dástúrli shai rásimi jáne miniatiýralar kórmesi uiymdastyryldy.
Foto: Uiymdastyrýshylardan
Is-shara barysynda japondyq ústel oiyndary – go jáne siogi tanystyrylyp, Japoniianyń Ulttyq týristik uiymy (JNTO) eldiń mádenieti men týrizminiń damýy týraly aqparatpen bólisti.
Mádeni baǵdarlama aiasynda Lej Koroldik konservatoriiasynyń (Belgiia) úzdik túlegi, halyqaralyq marapattardyń iegeri, tanymal japon skripkashysy Chikako Hosoda klassikalyq shyǵarmalardy oryndap, tyńdarmandarǵa erekshe áser qaldyrdy.
Foto: Uiymdastyrýshylardan
Japoniia mádeniet kúni astanalyq kórermenderge jarqyn áser syilap, Qazaqstan men Japoniia arasyndaǵy dostyq pen mádeni yntymaqtastyqty nyǵaitýǵa úles qosty.
