© Sputnik / Vladislav Vodnev
Jańadan sailanǵan prezidenttiń ulyqtaý rásimine biýdjetten qosymsha qarajat bólinbeidi. Bul týraly vitse-premer – qarjy ministri Erulan Jamaýbaev málimdedi, dep habarlaidy "Ult aqparat" Sputnik Qazaqstan agenttigine silteme jasap.
"Prezidenttiń ulyqtaýyna biýdjetten qosymsha qarajat bólgen joqpyz. Ózderińiz biletindei, ulyqtaý - prezidenttiń resmi túrde Konstitýtsiialyq zań boiynsha laýazymǵa ótýine bailanysty ant berýi. Oǵan kóp qarajat ketedi dep oilaimyn. Sondyqtan oǵan bizdiń tarapymyzdan kóp qarajat bólinbeidi", - dedi Jamaýbaev Úkimet kýlýarynda.
Aita keteiik, kezekten tys prezident sailaýynda jeńiske jetken Qasym-Jomart Toqaevty ulyqtaý rásimi 26 qarashada ótedi.
Sailaý qorytyndysy boiynsha Toqaev sailaýshylardyń 81,31% daýysyn jinady. Ony qoldap 6 456 392 adam daýys bergen. Búgin Ortalyq sailaý komissiiasy Qasym-Jomart Toqaevty Qazaqstan Respýblikasynyń Prezidenti retinde tirkedi.
