Kezekten tys prezident sailaýynda jeńiske jetken Qasym-Jomart Toqaevty ulyqtaý rásimi 26 qarashada ótedi. Bul týraly Ortalyq sailaý komissiiasynyń otyrysynda belgili boldy, - dep habarlaidy "Ult aqparat".
«Sailanǵan Qazaqstan Respýblikasynyń Prezidenti Qasym-Jomart Toqaevtyń ant berý kúni 2022 jylǵy 26 qarasha bolyp aiqyndaldy», - dedi OSK tóraǵasy Nurlan Ábdirov.
Eske salaiyq, búgin OSK otyrysynda 20 qarashada ótken prezident sailaýynyń resmi qorytyndycy jariialandy.
Sońǵy nátijeler boiynsha, Qasym-Jomart Toqaev sailaýshylardyń 81,31% daýysyn jinady. Oǵan 6 456 392 adam daýys bergen.
Osylaisha, Ortalyq sailaý komissiiasy Qasym-Jomart Toqaevty Qazaqstan Respýblikasynyń prezidenti retinde tirkedi jáne zańnamada belgilengen tártippen sailanǵan Memleket basshysyna tiisti kýálik tapsyrylatyn bolady.
