Qazaqstan Respýblikasynyń Prezidenti Qasym-Jomart Toqaev aǵymdaǵy jyldyń 9 maýsym kúni kezekten tys prezidenttik sailaý ótetinin habarlady. Bul sheshim ýaqytyly ári durys qabyldandy dep esepteimiz.
Elimizde turaqtylyq pen kelisim saqtalyp, ary qarai damýdyń dańǵyl jolyna túsý úshin bul óte mańyzdy qadam. Tórtkúl dúniede kún saiyn ózgerister men túrli oqiǵalar oryn alyp jatyr.
Al Qazaqstandaǵy ultaralyq tatýlyq pen kelisim, ishki turaqtylyq pen saliqaly saiasat álem elderine úlgi. Qazaq eli shynaiy táýelsiz memleket bolyp qaryshtaýy úshin sailaýǵa jaýapkershilikpen qaraýymyz qajet.
Elimizde sailaýǵa qatysýǵa barlyq azamat quqyly jáne árkimniń óz tańdaýy bar. Kemel keleshekke birge jol bastar, ultymyzdyń jarqyn kúnderi úshin bizben birge bolar Prezidentimizdi birge tańdaiyq.
Janar KENJEǴALIEVA,
Qaraǵandy oblysynyń QHA Analar keńesiniń tóraiymy
Ashyǵyn aitý kerek, Respýblika Prezidentiniń kezekten tys sailaýyn ótkizý – Qazaqstan halqynyń ómirindegi asa mańyzdy tarihi oqiǵa.
El Prezidenti Q.Toqaev durys sheshim qabyldady dep oilaimyn. Sailaý ashyq ári ádil ótýi kerek. Prezidentti halyq ózi tańdasa, durys bolady, óitkeni bul naǵyz demokratiianyń belgisi. Memleket basshysy atap ótkendei, biz qaýyrt qarbalas ózgerister men jyldam álemde ómir súrip jatyrmyz. Qazirgi zamannyń ózgerister úderisi óte tez ótýde. Osyǵan bailanysty Qazaqstanǵa erekshe saiasi potentsial men áleýmettik optimizm aýadai qajet. Óz kezeginde kez-kelgen memleket pen saiasi júieniń evoliýtsiiasynyń bolýy zańdy protsess. Qazaqstandaǵy ótpeli kezeń turaqtylyq pen qoǵamdyq kelisimniń qalypty deńgeiinde ótedi dep senimmen aita alamyz.
Akbarjon ISMAILOV
Nur-Sultan q. QHA «Astana-Somonien»
tájik mádeni ortalyǵynyń tóraǵasy
Búgin jasaityn isti erteńge qaldyryp ne kerek?! Jasap otyrǵan sheshimi óte durys. Qazir biz tez ózgerip turatyn aýmaly-tókpeli zamanda ómir súrýdemiz. Qazaqstan Evraziia kontinentiniń qaq ortasynda ornalasqan memleket. Kúni erteń bizdi ne kútip turǵanyn boljaý qazir qiyn.
Sondyqtan da, Memleket basshysy Kasym-Jomart Toqaevtyń Prezident sailaýyn jedeldetip 2019 jyldyń toǵyzynshy maýsymyna belgilegenin óte durys shesheim dep sanaimyn. Bizdiń memleketimizdiń ýaqytsha emes, óziniń zańdy Prezidenti bolýy kerek. Elimizdiń kókiregi oiaý, kózi ashyq, oilamy durys adamdarynyń barlyǵy da Memleket basshysyn men siiaqty tolyq qoldaidy dep oilaimyn.
Taraz qalalyq ózbek etnomádeni
ortalyǵynyń tóraǵasy
Abdýrahman Zainýtdinov
Óz qatarynda astanamyzdyń 22 etnomádeni birlestigin biriktiretin, Nur-Sultan qalasynyń Qazaqstan halqy assambleiasy Qazaqstan Prezidenti Qasym-Jomart Toqaevtyń kezekten tys prezident sailaýyn 2019 jylǵy 9 maýsymda ótkizý týraly bastamasyn qoldaidy.
Biliktiń aýysýy jaǵdaiynda bizdiń basty maqsatymyz - óz memlekettiligimizdi damytý jáne saqtap qalý. Osyǵan bailanysty ókilettigin Prezident Q.Toqaevqa júkteýi - Elbasynyń ishki saiasi turaqtylyǵynyń sabaqtastyǵyn nyǵaitý men saqtaýǵa baǵyttalǵan dana sheshimi boldy. Bizdiń oiymyzsha, qazirgi jaǵdaida prezidenttik elektoraldyq júieni sozbaý ideiasy elimizdiń áleýmettik-ekonomikalyq baǵytyndaǵy ózekti máselelerine tolyq kóńil bólýge múmkindik beredi. Osy arqyly biz búkil halyqaralyq qoǵamdastyqqa elimizdiń bilikti aýystyrýdyń ashyq rásimderi men demokratiialyq qundylyqtardy tolyq qoldaitynymyzdy kórsete alamyz. Prezidenttiń kezekten tys sailaýyn ótkizý ideiasyn barlyq qoǵamdyq jáne saiasi kúshter qoldaitynyna senimdimiz.
Dmitrii OSTANKOVICh,
Nur-Sultan q. QHA «Radima» belorýs mádeni ortalyǵy» QB tóraǵasy
Meniń oiymsha, bul sailaý – tarihi qajettilik, óitkeni týra sailanǵan Memleket basshysy saiasi jáne ekonomikalyq reformalardy júzege asyrýǵa quqyǵy basym bolady.
Bul memleketimiz ben halyq múddesine sáikes. Aǵymdaǵy jyldyń 9 maýsymynda ótetin Prezidenttiń merziminen buryn sailaýy Memleket basshysy - Prezidenttiń senimdi jumysyna kepildik beredi. Meniń oiymsha, bul durys ári qajetti sheshim.
Ámirjan ÁLPEIISOV,
Nur-Sultan q. QHA Qoǵamdyq kelisim keńesiniń tóraǵasy
Tuńǵysh Prezident N. Nazarbaevtyń ókilettigin toqtatqannan keiingi tranzittik kezeńde qoǵamda áldebir belgisizdik ústemdik quryp, kóptegen ár túrli oi-pikirler júrip jatyr jáne bul másele tezirek sheshilse, soǵurlym aldaǵy qadamdar da senimdi bolady.
Sailaý neǵurlym erte ótse, halyq el basqaratyn zańdy sailanǵan Memleket basshysyn kóre alady. Bul azamattardyń saiasi máselelerden birneshe arylyp, óziniń kúndelikti isterine shoǵyrlanýǵa múmkindik berip, anyqtyq men aiqyndyq engizedi.
Biliktiń Prezident K.Tokaevqa ótýin qalypty túrde qabyldaýy - Qazaqstan qoǵamynyń búgingi jetistiginiń biri dep oilaimyn jáne bolashaqta qazaqstandyqtar birlikpen durys sheshim qabyldaýyn kórsete bilýi qajet.
Shavkat ISMAILOV,
«Qyrǵyzstan-Astana» QB tóraǵasy
Qazaqstan Respýblikasynyń Prezidentin kezekten tys sailaýyn osy jyldyń 9 maýsymynda ótkizý týraly sheshim – óz ýaqytynda qabyldanǵan tarihi sheshim.
Óitkeni el tarihynda memleket basshysyn sailaý, ony ádil de ashyq ótkizý arqyly qoǵam damýynyń qalypty jaǵdaida jalǵasyn tabýyna arqaý bolatyny barshaǵa belgili. Elimizde turaqtylyq pen kelisimniń úndestik tabýy da, ekonomikamyzdyń órleýi de, Qazaqstannyń gúldenip álemge tanymal elge ainalýy da Elbasy Nursultan Ábishuly Nazarbaev júrgizgen saliqaly da salmaqty saiasatynyń jemisi boldy. Mine, osy úrdis óz deńgeiinde jalǵasyn tabý úshin biylǵy jyly Prezident sailaýyn joǵary deńgeide ótkizýge árbir azamat atsalysýy qajet.
Prezidentti anyqtap, bilik tizginin ustatý – jaýapkershiligi zor, halyq taǵdyryn aiqyndaityn óte mańyzdy is.
Álemde bolyp jatqan ózgerister, kúnde myń qubylǵan geosaiasi jaǵdailar bizdiń elimizdiń turǵyndarynan bir jeńnen qol shyǵaryp, bir jaǵadan bas shyǵaryp, bir úidiń balalaryndai uiymshyldyqpen alǵa qarai birge qozǵalýyn, qimyldaýyn talap etedi.
Qazaqstan Respýblikasynyń Prezidenti Qasym-Jomart Kemeluly Toqaev halyqqa úndeýinde: «Elimizdiń keleshegi, ár otbasy men ár azamattyń taǵdyry Sizderdiń sheshimderińizge tikelei bailanysty», – dep halqyna, iaǵni siz ben bizge tolyq senim men mindet artty.
Aýyzbirshiligi myǵym eldiń ala almaityn asýy, asa almaityn beli bolmaityny árbirimiz biletin ómir qaǵidasy. Sony basshylyqqa alyp, bir-birimizben qol ustasyp, bir urandy, bir baǵytty ustanyp kemel keleshekke birge attanaiyq, aǵaiyn!
Shaimardan Nýrýmov,
Qazaqstan Respýblikasy
Parlamentiniń Májilis depýtaty
.jpeg)