Keshe Qasym-Jomart Toqaev mádeniet jáne óner salasynyń ókilderin memlekettik nagradalarmen marapattady. Marapat alǵandardyń qatarynda Qazaqstannyń halyq ártisi Maqpal Júnisova da boldy, dep habarlaidy ult.kz.
Óner iesine II dárejeli «Barys» ordeni tabystaldy. Memleket basshysy bul marapattardyń ulttyq mádenietti damytýǵa jáne halyqtyń rýhani dúnietanymyn baiytýǵa úles qosqan azamattarǵa berilip otyrǵanyn atap ótti.
Kópshiliktiń nazaryn aýdarǵan sátterdiń biri – marapattaý rásiminen keiin túsirilgen video boldy. Aqdariǵa Muqadas jariialaǵan kadrlarda ánshiniń Prezidentke óz ánderi jazylǵan úntaspany usynyp jatqany kórinedi.
– Aǵa, mynany sizge bere salýǵa bola ma? – deidi ánshi.
– Bolady, bolady, raqmet sizge, – dep jaýap bergen Prezident.
Aqdariǵa Muqadastyń aitýynsha, bul Maqpal Júnisovanyń Aqordaǵa alǵash kelýi bolǵan. Sonymen qatar ánshi araǵa 25 jyl salyp memleket tarapynan alǵash ret marapat alǵanyn aityp, erekshe tolqynysyn jasyrmaǵan.
Óner iesi Prezidentke ánderi jazylǵan úntaspasyn syilap, ótken jyldardyń esteligindei yqylasyn bildirgen.
