Prezident Qasym-Jomart Toqaev Ulttyq bank tóraǵasy Ǵalymjan Pirmatovty qabyldady, dep habarlaidy "Ult aqparat" Aqordaǵa silteme jasap.
Memleket basshysy Ulttyq banktiń álemdegi geosaiasi jaǵdaiǵa jáne qarjylyq turaqtylyqty qamtamasyz etýge baǵyttalǵan is-áreketteri týraly esebin tyńdady.
Qasym-Jomart Toqaevqa qarjy jáne baǵa turaqtylyǵyn qamtamasyz etý jónindegi sharalar, sonyń ishinde halyqtyń teńgemen salǵan salymdaryn qorǵaý, syrtqy jáne ishki sektorlardaǵy negizgi qaterler eskerile otyryp, aqsha-nesie saiasatynyń iske asyrylý barysy týraly baiandaldy.
Ǵalymjan Pirmatov valiýta naryǵyndaǵy ahýal, Ulttyq banktiń altynvaliýta rezervteriniń jáne Ulttyq qor aktivteriniń jai-kúii týraly aitty.
Kezdesý qorytyndysy boiynsha Memleket basshysy birqatar naqty tapsyrma berdi.
