Foto: Aqorda
Memleket basshysy «Qazaqstan Respýblikasynyń keibir zańnamalyq aktilerine ziiatkerlik menshik máseleleri boiynsha ózgerister men tolyqtyrýlar engizý týraly» Zańǵa qol qoidy, dep habarlaidy Ult.kz.
Jańa qujat ziiatkerlik menshik quqyǵyn qorǵaýdy kúsheitýge baǵyttalǵan jáne birneshe mańyzdy jańalyqty qamtidy.
Zańdaǵy negizgi ózgerister:
▪️ Kórý qabileti buzylǵan azamattarǵa jeńildikter
Olarǵa jariialanǵan shyǵarmalardy avtordyń ruqsatynsyz jáne syiaqy tólemei-aq oryndaýǵa, taratýǵa jáne kópshilikke qoljetimdi etýge múmkindik beriledi.
▪️ Taýar belgilerin jyldam tirkeý
Qazirgi 7 ailyq tirkeý merzimi aqyly jedeldetilgen tetik arqyly 4 aiǵa deiin qysqarady. Bul kásipkerlerge ónimderin naryqqa tezirek shyǵarýǵa jol ashady.
▪️ Shaǵymdaný merzimi uzarady
Taýar belgisin tirkeýge qatysty shaǵym jasaityn ýaqyt 1 aidan 2 aiǵa deiin ulǵaiady.
▪️ Avtorlyq quqyqty qorǵaý kúsheiedi
Avtorlar men quqyq ieleriniń shaǵymdary negizinde ádilet organdary avtorlyq jáne sabaqtas quqyq nysandaryn paidalanýdy jospardan tys teksere alady.
▪️ Biryńǵai tsifrlyq platforma qurylady
Ujymdyq quqyqtyq basqarý salasynda jańa elektrondy júie engiziledi.
Zańnyń tolyq mátini baspasózde jariialanatyn bolady.
