فوتو: اقوردا
مەملەكەت باسشىسى «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە زيياتكەرلٸك مەنشٸك مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭعا قول قويدى, دەپ حابارلايدى Ult.kz.
جاڭا قۇجات زيياتكەرلٸك مەنشٸك قۇقىعىن قورعاۋدى كٷشەيتۋگە باعىتتالعان جەنە بٸرنەشە ماڭىزدى جاڭالىقتى قامتيدى.
زاڭداعى نەگٸزگٸ ٶزگەرٸستەر:
▪️ كٶرۋ قابٸلەتٸ بۇزىلعان ازاماتتارعا جەڭٸلدٸكتەر
ولارعا جارييالانعان شىعارمالاردى اۆتوردىڭ رۇقساتىنسىز جەنە سىياقى تٶلەمەي-اق ورىنداۋعا, تاراتۋعا جەنە كٶپشٸلٸككە قولجەتٸمدٸ ەتۋگە مٷمكٸندٸك بەرٸلەدٸ.
▪️ تاۋار بەلگٸلەرٸن جىلدام تٸركەۋ
قازٸرگٸ 7 ايلىق تٸركەۋ مەرزٸمٸ اقىلى جەدەلدەتٸلگەن تەتٸك ارقىلى 4 ايعا دەيٸن قىسقارادى. بۇل كەسٸپكەرلەرگە ٶنٸمدەرٸن نارىققا تەزٸرەك شىعارۋعا جول اشادى.
▪️ شاعىمدانۋ مەرزٸمٸ ۇزارادى
تاۋار بەلگٸسٸن تٸركەۋگە قاتىستى شاعىم جاسايتىن ۋاقىت 1 ايدان 2 ايعا دەيٸن ۇلعايادى.
▪️ اۆتورلىق قۇقىقتى قورعاۋ كٷشەيەدٸ
اۆتورلار مەن قۇقىق يەلەرٸنٸڭ شاعىمدارى نەگٸزٸندە ەدٸلەت ورگاندارى اۆتورلىق جەنە ساباقتاس قۇقىق نىساندارىن پايدالانۋدى جوسپاردان تىس تەكسەرە الادى.
▪️ بٸرىڭعاي تسيفرلىق پلاتفورما قۇرىلادى
ۇجىمدىق قۇقىقتىق باسقارۋ سالاسىندا جاڭا ەلەكتروندى جٷيە ەنگٸزٸلەدٸ.
زاڭنىڭ تولىق مەتٸنٸ باسپاسٶزدە جارييالاناتىن بولادى.
