QR Premer-Ministri Asqar Maminniń tóraǵalyǵymen ótken Úkimet otyrysynda QR Prezidenti Qasym-Jomart Toqaevtyń «Jańa jaǵdaidaǵy Qazaqstan: is-qimyl kezeńi» atty Qazaqstan halqyna Joldaýyn iske asyrý jónindegi sharalar qaraldy.
Onlain otyrysta Ulttyq ekonomika ministri R. Dálenov, Ulttyq bank tóraǵasy E. Dosaev, Qarjy naryǵyn retteý jáne damytý agenttiginiń tóraǵasy M. Ábilqasymova, qarjy ministri E. Jamaýbaev, aýyl sharýashylyǵy ministri S. Omarov, indýstriia jáne infraqurylymdyq damý ministri B. Atamqulov, energetika ministri N. Noǵaev, ishki ister ministri E. Turǵymbaev, ekologiia, geologiia jáne tabiǵi resýrstar ministri M. Myrzaǵaliev, eńbek jáne halyqty áleýmettik qorǵaý ministri B. Nurymbetov, densaýlyq saqtaý ministri A. Tsoi, bilim jáne ǵylym ministri A. Aimaǵambetov, sondai-aq tsifrlyq damý, innovatsiialar jáne aeroǵarysh ónerkásibi ministriniń mindetin atqarýshy B. Mýsin baiandama jasady. Bul týraly primeminister.kz saity habarlaidy.
«Joldaýda alǵa qoiylǵan mindetterdi oryndaý ekonomikanyń ornyqtylyǵy men básekege qabilettiligin arttyrý faktoryna ainalady. Memleket basshysy jańa jaǵdaiǵa sáikes keletin memlekettik jáne ekonomikalyq saiasatty ýaqytyly ázirleý boiynsha naqty is-qimyl josparyn belgiledi», — dedi A. Mamin.
Premer-Ministr halyqtyń ál-aýqatyn jaqsartý úshin ekonomikany odan ári damytý boiynsha úlken mindetter júktelgenin atap ótti. Joldaýdaǵy tapsyrmalardy oryndaý básekege qabiletti naqty sektordy belsendi damytýdy jáne eksport qurylymyn ártaraptandyrýdy qamtamasyz etedi. Sondai-aq Joldaýdy iske asyrý strategiialyq mańyzdy salalardy memlekettik qoldaý sharalaryn keńeitýge yqpal etedi. Qazaqstandyq úlesti arttyrý boiynsha jańa usynystar daiyndap, agroónerkásiptik keshendi damytýdyń jańa baǵdarlamasyn ázirleý qajet.
Úkimet basshysy biýdjettik josparlaýdyń jańa júiesi ulttyq basymdyqtardy qamtamasyz etip, josparlaý júiesiniń bir bóligine ainalýy tiis ekenin atap ótti. Sonymen qatar biýdjetten tys qorlardy eskere otyryp, «keńeitilgen biýdjetti» engizý kerek.
Tikelei jáne portfeldik investitsiialardy tartý, otandyq taýarlar men qyzmetterdiń eksportyn ilgeriletý maqsatynda «Astana» halyqaralyq qarjy ortalyǵynyń alańy paidalanylady.
«Joldaýdyń basty maqsaty – turǵyn úidiń qoljetimdiligine, qolaily otbasylyq-demografiialyq jaǵdailarǵa, jaqsy ekologiiaǵa, qoljetimdi ári sapaly bilimge, sondai-aq densaýlyq saqtaý júiesine negizdelgen azamattardyń áleýmettik ál-aýqatyna baǵyttalǵan», — dedi A. Mamin.
Premer-Ministr Memleket basshysynyń Joldaýy memlekettik basqarýdyń jańa modelin qalyptastyrýǵa, kadr saiasatyn, sheshim qabyldaý jáne olardyń oryndalýy úshin jaýapkershilik júiesin qaita qaraýǵa baǵyttalǵanyn atap ótti. Halyqtyń ál-aýqatyn arttyrý úshin ekonomikany odan ári damytý boiynsha úlken mindetter qoiyldy.
Memleket basshysy Joldaýynyń barlyq baǵyttaryn iske asyrý boiynsha biylǵy 7 qyrkúiekke deiin Jalpyulttyq jospar ázirlenip, Prezidenttiń bekitýine engiziledi.
Úkimet basshysy Prezidenttiń árbir tapsyrmasynyń oryndalýyna qatań baqylaý ornatylyp, naqty oryndalý merzimi men jaýapty adam belgilenýi tiis ekenin atap ótti.
«Memleket basshysynyń Joldaýyn tolyq jáne ýaqytynda iske asyrý úshin qajetti resýrstar men quraldar bar. Osy rette Joldaýdy belgilengen mindetterdi tiimdi oryndaý boiynsha úilesimdi jumysty qamtamasyz etýimiz qajet. Memlekettik organdarǵa Jalpyulttyq jospar boiynsha usynystaryn 4 qyrkúiekke deiin Ulttyq ekonomika ministrligine engizýdi tapsyramyn. Kelesi otyrysta Memleket basshysynyń bekitýine engizý úshin Jalpyulttyq jospardyń jobasyn qarastyryp, maquldaýymyz kerek», — dedi A. Mamin.
