Prezidenttiń baspasóz hatshysy Berik Ýáli Facebook paraqshasynda Prezidenttiń 2020 jylǵy Joldaýynda aitylǵan birqatar tapsyrmanyń qalai oryndalǵany týraly málimet jariialady, dep habarlaidy "Ult aqparat".
Memleket basshysy 2020 jylǵy Joldaýynda elektrondy servisterdiń qoldanylý aiasyn keńeitýdi tapsyrǵan bolatyn.
«Halyqqa elektrondy servisterdi qoldanýdy yńǵaily etý úshin memlekettik qyzmet kórsetý isinde de, bizneste de biometriiany keńinen paidalanǵan jón», - dep jazylǵan Joldaýda.
Berik Ýáli keltirgen derekterge súiensek, 2020 jylǵy 1 qazannan bastap qarjy uiymdarynyń klientterin qashyqtan bimetriialyq sáikestendirý mehanizmi iske qosylǵan. Sodan beri 4,8 milionnan astam qarjylyq qyzmet elektrondy nusqada kórsetilgen.
Osynyń arqasynda salada jańa servsiter engizilip, qarjy institýtyna barmai-aq, bank shottaryn ashýǵa múmkindik týǵan.
Búginde bank salasynda kez kelgen qarjylyq qyzmet túri elektrondy túrde kórsetiledi. Sonyń ishinde onlain nesie naryǵy damyp keledi. Al shalǵai eldi mekenderdegi turǵyndarǵa kórestiletin qarjylyq qyzmettiń qoljetimdiligi artqan.
