پرەزيدەنتتٸڭ باسپاسٶز حاتشىسى بەرٸك ۋەلي Facebook پاراقشاسىندا پرەزيدەنتتٸڭ 2020 جىلعى جولداۋىندا ايتىلعان بٸرقاتار تاپسىرمانىڭ قالاي ورىندالعانى تۋرالى مەلٸمەت جارييالادى, دەپ حابارلايدى "ۇلت اقپارات".
مەملەكەت باسشىسى 2020 جىلعى جولداۋىندا ەلەكتروندى سەرۆيستەردٸڭ قولدانىلۋ اياسىن كەڭەيتۋدٸ تاپسىرعان بولاتىن.
«حالىققا ەلەكتروندى سەرۆيستەردٸ قولدانۋدى ىڭعايلى ەتۋ ٷشٸن مەملەكەتتٸك قىزمەت كٶرسەتۋ ٸسٸندە دە, بيزنەستە دە بيومەترييانى كەڭٸنەن پايدالانعان جٶن», - دەپ جازىلعان جولداۋدا.
بەرٸك ۋەلي كەلتٸرگەن دەرەكتەرگە سٷيەنسەك, 2020 جىلعى 1 قازاننان باستاپ قارجى ۇيىمدارىنىڭ كليەنتتەرٸن قاشىقتان بيمەترييالىق سەيكەستەندٸرۋ مەحانيزمٸ ٸسكە قوسىلعان. سودان بەرٸ 4,8 ميليوننان استام قارجىلىق قىزمەت ەلەكتروندى نۇسقادا كٶرسەتٸلگەن.
وسىنىڭ ارقاسىندا سالادا جاڭا سەرۆسيتەر ەنگٸزٸلٸپ, قارجى ينستيتۋتىنا بارماي-اق, بانك شوتتارىن اشۋعا مٷمكٸندٸك تۋعان.
بٷگٸندە بانك سالاسىندا كەز كەلگەن قارجىلىق قىزمەت تٷرٸ ەلەكتروندى تٷردە كٶرسەتٸلەدٸ. سونىڭ ٸشٸندە ونلاين نەسيە نارىعى دامىپ كەلەدٸ. ال شالعاي ەلدٸ مەكەندەردەگٸ تۇرعىندارعا كٶرەستٸلەتٸن قارجىلىق قىزمەتتٸڭ قولجەتٸمدٸلٸگٸ ارتقان.
