Foto: Aqorda
Digital Bridge 2025 halyqaralyq forýmynda sóz sóilegen Qazaqstan Prezidenti Qasym-Jomart Toqaev jasandy intellekt beibit maqsatta ǵana qoldanylýǵa tiis ekenin aitty, dep habarlaidy Ult.kz.
«Otyz jyldan astam ýaqyt buryn Qazaqstan beibitshilik pen qaýipsizdik jolyn tańdap, iadrolyq qarýdan óz erkimen bas tartty. Búginde elimiz jasandy intellekt beibit maqsatta ǵana qoldanylýǵa tiis dep batyl túrde málimdeidi. Onyń áskeri salada, kibershabýyldarǵa jáne halyqaralyq turaqtylyqqa qater tóndiretin jobalarda paidalanylýyna jol berýge bolmaidy.
BUU Bas Assambleiasynyń taiaýda ótken sessiiasynda men Qazaqstannyń Uiym aiasynda Jasandy intellektini basqarý jónindegi jahandyq dialog jumysyna atsalysýǵa daiyn ekenin rastadym. Biz seriktesterimizdiń bastamalaryn, sonyń ishinde Qytaidyń JI salasyndaǵy jahandyq yntymaqtastyq uiymyn qurý týraly usynysyn qoldaimyz.
Men biyl halyqqa Joldaýymdy tsifrlandyrý jáne jasandy intellekt máselesine arnadym. Biz aldymyzǵa naqty maqsat qoidyq: Qazaqstan úsh jyl ishinde naǵyz tsifrlyq el bolýy kerek. Bul – óte aýqymdy mindet. Sondyqtan biz qazir elimizdiń birtutas tsifrlyq ekojúiesin qurý isimen belsendi túrde ainalysyp jatyrmyz», - dep atap ótti Prezident.
