فوتو: اقوردا
Digital Bridge 2025 حالىقارالىق فورۋمىندا سٶز سٶيلەگەن قازاقستان پرەزيدەنتٸ قاسىم-جومارت توقاەۆ جاساندى ينتەللەكت بەيبٸت ماقساتتا عانا قولدانىلۋعا تيٸس ەكەنٸن ايتتى, دەپ حابارلايدى Ult.kz.
«وتىز جىلدان استام ۋاقىت بۇرىن قازاقستان بەيبٸتشٸلٸك پەن قاۋٸپسٸزدٸك جولىن تاڭداپ, يادرولىق قارۋدان ٶز ەركٸمەن باس تارتتى. بٷگٸندە ەلٸمٸز جاساندى ينتەللەكت بەيبٸت ماقساتتا عانا قولدانىلۋعا تيٸس دەپ باتىل تٷردە مەلٸمدەيدٸ. ونىڭ ەسكەري سالادا, كيبەرشابۋىلدارعا جەنە حالىقارالىق تۇراقتىلىققا قاتەر تٶندٸرەتٸن جوبالاردا پايدالانىلۋىنا جول بەرۋگە بولمايدى.
بۇۇ باس اسسامبلەياسىنىڭ تاياۋدا ٶتكەن سەسسيياسىندا مەن قازاقستاننىڭ ۇيىم اياسىندا جاساندى ينتەللەكتٸنٸ باسقارۋ جٶنٸندەگٸ جاھاندىق ديالوگ جۇمىسىنا اتسالىسۋعا دايىن ەكەنٸن راستادىم. بٸز سەرٸكتەستەرٸمٸزدٸڭ باستامالارىن, سونىڭ ٸشٸندە قىتايدىڭ جي سالاسىنداعى جاھاندىق ىنتىماقتاستىق ۇيىمىن قۇرۋ تۋرالى ۇسىنىسىن قولدايمىز.
مەن بيىل حالىققا جولداۋىمدى تسيفرلاندىرۋ جەنە جاساندى ينتەللەكت مەسەلەسٸنە ارنادىم. بٸز الدىمىزعا ناقتى ماقسات قويدىق: قازاقستان ٷش جىل ٸشٸندە ناعىز تسيفرلىق ەل بولۋى كەرەك. بۇل – ٶتە اۋقىمدى مٸندەت. سوندىقتان بٸز قازٸر ەلٸمٸزدٸڭ بٸرتۇتاس تسيفرلىق ەكوجٷيەسٸن قۇرۋ ٸسٸمەن بەلسەندٸ تٷردە اينالىسىپ جاتىرمىز», - دەپ اتاپ ٶتتٸ پرەزيدەنت.
