Elordada jańadan taǵaiyndalǵan sýdialar tanystyryldy, dep habarlaidy "Ult aqparat".
Nur-Sultan qalalyq sotynyń baspasóz qyzmetinen málim etkendei, atalmysh vedomstvo tóraǵasynyń mindetin atqarýshy Abai Kókjalov QR Prezidentiniń 2020 jylǵy 21 qazanyndaǵy «Qazaqstan Respýblikasy sottarynyń tóraǵalaryn, sot alqalarynyń tóraǵalary men sýdialaryn qyzmetke taǵaiyndaý jáne qyzmetten bosatý týraly» Jarlyǵymen taǵaiyndalǵan sýdialardy tanystyrdy.
Prezident Jarlyǵymen Nur-Sultan qalasy sotynyń azamattyq ister jónindegi sot alqasynyń tóraǵasy qyzmetine Núsipova Sholpan Maratqyzy taǵaiyndaldy.
Nur-Sultan qalasy sotynyń sýdialary qyzmetine Qasymova Maiia Tólegenqyzy, Nurabai Sáýle Qýanyshqyzy taǵaiyndaldy.
Maqambetov Ermek Tólegenuly – Nur-Sultan qalasynyń mamandandyrylǵan aýdanaralyq tergeý sotynyń sýdiasy qyzmetine, Kárimov Sabyrjan Kenjeqanuly – Nur-Sultan qalasy Saryarqa aýdanynyń №2 aýdandyq sotynyń sýdiasy qyzmetine taǵaiyndaldy.
