30 qyrkúiekte Igor Rogovtyń tóraǵalyǵymen QR Prezidenti janyndaǵy Adam quqyqtary jónindegi komissiianyń Qazaqstandaǵy advokatýra institýtynyń quqyq qorǵaý áleýetin damytýdy, sondai-aq QR Syrtqy ister ministrliginiń Qazaqstan Respýblikasy azamattaryn odan tys jerlerde qorǵaýdy jáne olarǵa qamqorlyq jasaýdy qamtamasyz etý jónindegi qyzmetin talqylaýǵa arnalǵan otyrysy ótti.
Atalǵan taqyrypta QR Ádilet vitse-ministri Almat Madaliev, Respýblikalyq advokattar alqasynyń tóraǵasy Aidyn Bikebaev, QR Syrtqy ister ministriniń orynbasary Roman Vasilenko baiandama jasady.
Komissiia jumysyna Qazaqstan Respýblikasy biliginiń zań shyǵarýshy, atqarýshy jáne sot tarmaqtarynyń ókilderi, halyqaralyq jáne úkimettik emes uiymdardyń, advokatýranyń, bilim berý jáne ǵylym uiymdarynyń, jurtshylyqtyń jáne BAQ-tyń ókilderi qatysty.
Komissiia otyrysynda advokatýranyń quqyq qorǵaý áleýetin kúsheitý men nyǵaitýdyń ózekti máseleleri Memleket basshysynyń «Ádileti memleket. Birtutas ult. Berekeli qoǵam» atty Qazaqstan halqyna Joldaýyn talqylaý, Qazaqstan Respýblikasynyń Konstitýtsiiasymen jáne zańdarymen, BUU Adam quqyqtary týraly halyqaralyq paktilerimen, Azaptaýlarǵa qarsy konventsiiamen jáne basqa da ratifikatsiialanǵan halyqaralyq sharttarmen kepildik berilgen azamattar men ózge de tulǵalardyń quqyqtaryn saqtaý jáne qamtamasyz etý turǵysynan talqylandy.
Komissiia tóraǵasy Igor Rogov óz sózinde quqyq qorǵaý jáne arnaiy, sondai-aq sot organdarynyń qyzmetinde adam men azamattyń konstitýtsiialyq quqyqtary men bostandyqtaryn saqtaýdyń mańyzdylyǵyn atap ótti. Bul rette ol óziniń nazaryn qylmystyq protseste taraptardyń jaryspalylyǵy men teń quqyqtylyǵyn naqty qamtamasyz etýge, advokatýra institýtyn quqyqtyq júieniń ǵana emes, eldiń búkil azamattyq qoǵamynyń asa mańyzdy táýelsiz quqyq qorǵaý institýty retinde nyǵaitýǵa erekshe aýdardy.
Budan ári Komissiia tóraǵasy qylmystyq, azamattyq jáne ákimshilik protsestiń barlyq satylarynda óz quqyqtaryn tiimdi qorǵaýdy qajet etetin árbir adamǵa bilikti zań kómegin kórsetetin advokattardyń qyzmetinde adam quqyqtaryn qorǵaýdyń mańyzdylyǵy men ózektiligin atap ótti.
Komissiianyń sóz sóilegen músheleri men sarapshylary Qazaqstan Respýblikasy Konstitýtsiialyq reforma arqyly quqyqtyq memleket qaǵidattaryn nyǵaitý úshin taǵy bir eleýli jáne mańyzdy qadamdy júzege asyrǵanyn atap ótti. Bul Jańa Qazaqstannyń barlyq quqyq qorǵaý institýttaryn nyǵaitýǵa negiz bolady.
Sóz sóilegen Komissiia músheleri advokatýranyń elimizdiń mańyzdy quqyqtyq institýttarynyń biri retindegi negizgi maqsaty azamattardyń bilikti zań kómegin alýǵa, sondai-aq azamattar men ózge de tulǵalardyń quqyqtary men zańdy múddelerin qorǵaýǵa konstitýtsiialyq quqyqtaryn iske asyrýda memleketke járdemdesý bolyp tabylatynyn atap ótti.
Talqylaý barysynda Komissiia músheleri men sarapshylary Qazaqstanda advokatýra institýtyn damytýdy, qylmystyq sot óndirisi men sot sheshimderi sheńberinde advokattardyń rólin arttyrýdy, qylmystyq protsestiń belsendi qatysýshysy retinde advokattyń protsestik quqyqtaryn iske asyrýdyń tiimdi quqyqtyq tetikterin belgileýdi usyndy.
Elimizde advokatýra institýty Respýblikalyq advokattar alqasy men 20 aýmaqtyq advokattar alqasy, jalpy sany 6 myńǵa jýyq advokattan turatyny atap ótildi.
Dáleldemelerdi jinaý boiynsha naqty quqyqtar berýdi qosa alǵanda, advokattardyń protsestik jáne institýtsionaldyq mártebesin nyǵaitý boiynsha zańnamalyq sharalar qabyldaý, qoǵamnyń osal toptaryna kórsetilgen tegin zań qyzmetteriniń sapasyn baqylaý tetigin ázirleý jáne engizý, azamattarǵa tóleý úshin saqtandyrý jaǵdaiynyń bastalý negizderin qaita qaraý jáne advokattardyń kásiptik jaýapkershiligin saqtandyrý sharttarynan týyndaityn saqtandyrý tólemderin óndirip alý tetigin pysyqtaý usynyldy.
Komissiia otyrysynda sondai-aq taiaý jáne alys shetelderde Qazaqstan Respýblikasy azamattarynyń qorǵalýy men qamqorlyqta bolýyn qamtamasyz etý jónindegi ózekti máseleler talqylandy.
Jiynda ázirlengen usynymdary Memleket basshysynyń, Qazaqstan Respýblikasy Parlamenti men Úkimetiniń nazaryna jetkiziledi.
