Qasym-Jomart Toqaev «University Medical Center» korporativtik qorynyń basqarma tóraǵasyn qabyldady, dep habarlaidy "Ult aqparat" Aqordanyń resmi saityna silteme jasap.
Memleket basshysyna korporativtik qor jumysynyń nátijeleri men jetistikteri, sondai-aq osy innovatsiialyq meditsinalyq ortalyqtyń damý perspektivalary týraly málimet berildi.
Atap aitqanda, Iýrii Pia Prezidentke Nazarbaev ýniversitetine qarasty meditsinalyq mektep janynan Akademiialyq meditsinalyq ortalyq ashý josparyn aitty.
Onyń pikirinshe, mundai ortalyqtyń ashylýy klinikalyq bilim berý deńgeiin kóterýge jáne ony halyqaralyq standartqa sáikestendirýge múmkindik beredi. Bul ortalyqtyń jumysy ǵylymi-zertteý, bilim berý jáne klinikalyq qyzmettiń sinergiiasy negizinde ozyq bilim men tájiribeni paidalanýǵa, jańa formatsiiadaǵy meditsina salasynyń mamandaryn daiarlaýǵa, emdelýshige baǵdarlanǵan meditsinalyq járdem berý júiesin damytýǵa baǵyttalǵan.
Qasym-Jomart Toqaev densaýlyq saqtaý sapasyn arttyrýdyń, meditsinalyq qyzmettiń qoljetimdiligin qamtamasyz etýdiń asa mańyzdy ekenin atap ótip, otandyq meditsinany jańǵyrtýǵa baǵyttalǵan josparyna oń baǵa berdi.
