قاسىم-جومارت توقاەۆ «University Medical Center» كورپوراتيۆتٸك قورىنىڭ باسقارما تٶراعاسىن قابىلدادى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
مەملەكەت باسشىسىنا كورپوراتيۆتٸك قور جۇمىسىنىڭ نەتيجەلەرٸ مەن جەتٸستٸكتەرٸ, سونداي-اق وسى يننوۆاتسييالىق مەديتسينالىق ورتالىقتىڭ دامۋ پەرسپەكتيۆالارى تۋرالى مەلٸمەت بەرٸلدٸ.
اتاپ ايتقاندا, يۋريي پيا پرەزيدەنتكە نازارباەۆ ۋنيۆەرسيتەتٸنە قاراستى مەديتسينالىق مەكتەپ جانىنان اكادەمييالىق مەديتسينالىق ورتالىق اشۋ جوسپارىن ايتتى.
ونىڭ پٸكٸرٸنشە, مۇنداي ورتالىقتىڭ اشىلۋى كلينيكالىق بٸلٸم بەرۋ دەڭگەيٸن كٶتەرۋگە جەنە ونى حالىقارالىق ستاندارتقا سەيكەستەندٸرۋگە مٷمكٸندٸك بەرەدٸ. بۇل ورتالىقتىڭ جۇمىسى عىلىمي-زەرتتەۋ, بٸلٸم بەرۋ جەنە كلينيكالىق قىزمەتتٸڭ سينەرگيياسى نەگٸزٸندە وزىق بٸلٸم مەن تەجٸريبەنٸ پايدالانۋعا, جاڭا فورماتسيياداعى مەديتسينا سالاسىنىڭ ماماندارىن دايارلاۋعا, ەمدەلۋشٸگە باعدارلانعان مەديتسينالىق جەردەم بەرۋ جٷيەسٸن دامىتۋعا باعىتتالعان.
قاسىم-جومارت توقاەۆ دەنساۋلىق ساقتاۋ ساپاسىن ارتتىرۋدىڭ, مەديتسينالىق قىزمەتتٸڭ قولجەتٸمدٸلٸگٸن قامتاماسىز ەتۋدٸڭ اسا ماڭىزدى ەكەنٸن اتاپ ٶتٸپ, وتاندىق مەديتسينانى جاڭعىرتۋعا باعىتتالعان جوسپارىنا وڭ باعا بەردٸ.
