Elordadaǵy Táýelsizdik saraiynda ótip jatqan VIII Azamattyq forýmda Elbasy Nursultan Nazarbaev «Uly dalanyń jeti qyry» atty maqalany ne úshin jazǵanyn aitty, dep habarlaidy "Ult aqparat".
«Keńes zamanynda tarihtyń barlyǵy 1917 jylǵy qazan revoliýtsiiasynan bastalady dep oilaitynbyz. Ary qarai tarihty eshkim bilmeitin. Qazaqsyń ba - qazaqsyń. "Qaidan shyqtyń, túbiń kim?" degen sózderge bizdiń balalar jaýap bere almaityn. Al, bizdiń tamyrymyz basqa halyqtardai tereńde jatyr. Búgingi italiialyqtar - rimdikter emes. Biraq, olar sol tarihtaryn maqtan tutady. Búgingi Mysyrda arabtar turǵanymen, olar faraondar zamanyn biledi. Barlyq halyqtyń tarihy tereńde jatyr. Reseidiń de, Ulybritaniianyń da úlken tarihyndai tek qazaqtardyń ǵana emes, Qazaqstan halqynyń úlken tarihy bar», - dep atap ótti Elbasy.
QR Prezidentiniń atap ótýinshe, Uly dalada kóptegen halyqtar tirshilik etti. Olar ózderiniń mádenietin, tanym-túsinigin, bilimin, tili men dilin bizge mura etip qaldyrdy.
«Sondyqtan qazaq halqy tolerantty, bárine birdei qaraidy. Bul - úlken baqyt. Biz tarihty qazaqtar osyndai erekshemiz dep aitý úshin eske alyp otyrǵanymyz joq. Qudai saqtasyn. Biz túp-tamyrymyzdyń qaidan shyqqanyn bilý úshin eske alamyz. Sondyqtan «Uly dalanyń jeti qyry» atty maqala jastarǵa saqtardan, ǵundardan, Túrki qaǵanattan bastalatyn Uly dalanyń tamyry tereńde ekendigin aitýǵa degen nietten týyndady. Biz sol úlken tarihtyń tasymaldaýshysymyz», - dedi Memleket basshysy.
.jpeg)