ەلورداداعى تەۋەلسٸزدٸك سارايىندا ٶتٸپ جاتقان VIII ازاماتتىق فورۋمدا ەلباسى نۇرسۇلتان نازارباەۆ «ۇلى دالانىڭ جەتٸ قىرى» اتتى ماقالانى نە ٷشٸن جازعانىن ايتتى, دەپ حابارلايدى "ۇلت اقپارات".
«كەڭەس زامانىندا تاريحتىڭ بارلىعى 1917 جىلعى قازان رەۆوليۋتسيياسىنان باستالادى دەپ ويلايتىنبىز. ارى قاراي تاريحتى ەشكٸم بٸلمەيتٸن. قازاقسىڭ با - قازاقسىڭ. "قايدان شىقتىڭ, تٷبٸڭ كٸم?" دەگەن سٶزدەرگە بٸزدٸڭ بالالار جاۋاپ بەرە المايتىن. ال, بٸزدٸڭ تامىرىمىز باسقا حالىقتارداي تەرەڭدە جاتىر. بٷگٸنگٸ يتالييالىقتار - ريمدٸكتەر ەمەس. بٸراق, ولار سول تاريحتارىن ماقتان تۇتادى. بٷگٸنگٸ مىسىردا ارابتار تۇرعانىمەن, ولار فاراوندار زامانىن بٸلەدٸ. بارلىق حالىقتىڭ تاريحى تەرەڭدە جاتىر. رەسەيدٸڭ دە, ۇلىبريتانييانىڭ دا ٷلكەن تاريحىنداي تەك قازاقتاردىڭ عانا ەمەس, قازاقستان حالقىنىڭ ٷلكەن تاريحى بار», - دەپ اتاپ ٶتتٸ ەلباسى.
قر پرەزيدەنتٸنٸڭ اتاپ ٶتۋٸنشە, ۇلى دالادا كٶپتەگەن حالىقتار تٸرشٸلٸك ەتتٸ. ولار ٶزدەرٸنٸڭ مەدەنيەتٸن, تانىم-تٷسٸنٸگٸن, بٸلٸمٸن, تٸلٸ مەن دٸلٸن بٸزگە مۇرا ەتٸپ قالدىردى.
«سوندىقتان قازاق حالقى تولەرانتتى, بەرٸنە بٸردەي قارايدى. بۇل - ٷلكەن باقىت. بٸز تاريحتى قازاقتار وسىنداي ەرەكشەمٸز دەپ ايتۋ ٷشٸن ەسكە الىپ وتىرعانىمىز جوق. قۇداي ساقتاسىن. بٸز تٷپ-تامىرىمىزدىڭ قايدان شىققانىن بٸلۋ ٷشٸن ەسكە الامىز. سوندىقتان «ۇلى دالانىڭ جەتٸ قىرى» اتتى ماقالا جاستارعا ساقتاردان, عۇنداردان, تٷركٸ قاعاناتتان باستالاتىن ۇلى دالانىڭ تامىرى تەرەڭدە ەكەندٸگٸن ايتۋعا دەگەن نيەتتەن تۋىندادى. بٸز سول ٷلكەن تاريحتىڭ تاسىمالداۋشىسىمىز», - دەدٸ مەملەكەت باسشىسى.
.jpeg)