Memleket basshysy Qasym-Jomart Toqaev sheteldik kapitalǵa degen báseke qyzǵan shaqta kapitaldy ustaýshynyń árbirimen tikelei jumys júrgizý kerektigin málim etti, dep habarlaidy QazAqparat.
«Altynshydan, sheteldik kapitalǵa degen báseke qyzǵan shaqta kapitaldy ustaýshynyń árbirimen tikelei jumys júrgizýge kóshý kerek. Jalpy, ekonomikaǵa beriletin basymdyq pen áleýetti tiimdilik retinde árbir investorǵa jeke qoldaý sharalaryn ázirlegen abzal. Osynaý mańyzdy jumys aiasynda Úkimet basymdyqqa ie salalarda strategiialyq investorlar úshin búkil investitsiialyq zańnamanyń turaqty rejimin qamtamasyz etýi tiis», - dedi Prezident Tótenshe jaǵdai rejimin qamtamasyz etý boiynsha memlekettik komissiia otyrysynda.
Memleket basshysy elge investitsiia tartyp, qarjy qoryn damytý úshin «Astana» HQO-nyń áleýetin paidalaný kerektigin eske saldy.
«Memlekettik aktivterdi jekeshelendirý aldynda bul jumystyń mańyzy zor. Sonymen qatar biznes-kelispeýshilikterdi retteýde qazaqstandyq kásipkerlerdiń AHQO aǵylshyn soty men arbitrajynyń basymdyǵyn paidalaný boiynsha qoljetimdiligin qamtamasyz etý kerek. Ulttyq kompaniialarǵa tiesili jekelegen qurylymdar kezeń-kezeńmen osy jumysty bastaýy tiis. Eger ózimizdiń investorlar sheteldik iýrisdiktsiiany tańdaityn bolsa, shetel investorlarynyń senimine ie bola almaimyz. Úkimet, SIM men sheteldik ókildikter AHQO rezidenttiginiń sheteldik salyqtyq baǵdarlamasyn nasihattaýdy kúsheitýi tiis. Ortalyqtyń Ákimshiligi 2025 jylǵa deiin jańa Strategiia boiynsha jumys júrgizedi. Qazirgi jaǵdaida investorlardyń senimi, biznestiń ulttyq valiýta men aqshalai-nesielik saiasatqa seniminiń mańyzy zor. Osyǵan bailanysty ulttyq valiýtaǵa jasalǵan spekýliativti shabýyldardy azaitýdyń mańyzy asa zor. Bul – Ulttyq bank pen Qarjy naryǵyn retteý agenttiginiń mindeti», - dedi Prezident.
