Foto: Aqorda
Prezident Ulttyq ǵylym akademiiasynyń prezidenti Aqylbek Kúrishbaevty qabyldady, dep habarlaidy Ult.kz, Aqorda resmi saityna silteme jasap.
Aqylbek Kúrishbaev Ulttyq ǵylym akademiiasynyń byltyrǵy atqarǵan qyzmetiniń negizgi nátijeleri jóninde baiandady.
Memleket basshysyna 2024 jyly otandyq ǵylymnyń jaǵdaiyn baǵamdap, salany damytýdyń basym baǵyttaryn aiqyndaý maqsatynda júrgizilgen keshendi jumys jóninde málimet berildi.
Aqylbek Kúrishbaevtyń aitýynsha, byltyr baǵdarlamalyq-nysanaly qarjylandyrý kózdelgen 113 ǵylymi-tehnikalyq tapsyrmaǵa saraptama júrgizilgen, sondai-aq 3 integratsiialanǵan pánaralyq ǵylymi-tehnikalyq baǵdarlama ázirlengen.
Qasym-Jomart Toqaev otandyq ǵylymnyń áleýetin arttyrý úshin odan ári júieli sharalar qabyldaý qajet ekenine nazar aýdardy. Taiaýda Ulttyq ǵylym akademiiasyna Prezident janyndaǵy joǵary ǵylymi uiym mártebesin beretin Jarlyqqa qol qoiyldy. Úkimetke atalǵan Jarlyqty júzege asyrýǵa qatysty quqyqtyq máselelerdi jedeldetý týraly tapsyrma berildi.
Sondai-aq ǵylymdy qarjylandyrý 3,5 ese ulǵaidy, «Ǵylym jáne tehnologiialyq saiasat týraly» jańa zań qabyldandy. Jas ǵalymdardy áleýmettik turǵydan qoldaý kúsheitildi. Prezidenttiń tapsyrmasymen olarǵa baspana berilip jatyr.
Memleket basshysy Ulttyq ǵylym akademiiasyna birqatar mindet júktedi.
